नांदगाव तालुक्यात पशुवैद्यकीय अधिकाऱ्यांच्या नियुक्त्या.. आमदार सुहास कांदे यांच्या पाठपुराव्याला यश

नांदगाव-: संतोष कांदे

शेती क्षेत्रात मोठ्या प्रमाणात यांत्रिकीकरण मोठ्या प्रमाणात वाढल्याने पशुधनावर अगोदरच गंडांतर आले आहे,त्यातच आहे त्या जनावरांचे आरोग्य पशुवैद्यकीय अधिकाऱ्यांच्या रिक्त पदांमुळे धोक्यात आले होते.म्हणून आमदार सुहास कांदे यांनी हा प्रश्न युद्धपातळीवर प्रयत्न करून सोडवल्याने शेतकऱ्यांनी समाधान व्यक्त केले जात आहे.

     प्रतिक्रिया-: माझ्या मतदार संघातील शेतकरी बांधवांना कुठल्याही समस्या उद्भवू नयेत,याकडे माझे सतत लक्ष असते.या पशुवैद्यकीय अधिकाऱ्यांच्या रिक्त जागा भरण्यासाठी गेल्या एक वर्षांपासून माझे प्रयत्न सुरू होते.सहा जागा भरण्यात आल्या आहेत.उर्वरित चार जागा ही लवकरच भरल्या जाणार आहेत.

याबाबत अधिक असे की,तालुक्यात पशुधन विकास अधिकाऱ्यांची दहा पदे रिक्त होती.त्यामुळे शेतकऱ्यांना जास्तीची रक्कम खर्च करून खाजगी डॉक्टरांचा मार्ग अवलंबावा लागत होता.म्हणून आमदार सुहास कांदे यांनी विधानसभेत तारांकित प्रश्न उपस्थित करून या प्रश्नाला वाचा फोडली होती,त्यानुसार सहा पदे भरण्यात आली आहेत.उर्वरित चार पदे लवकरच भरण्यात येतील असे सांगण्यात आले आहे.

      नियुक्ती देण्यात आलेल्या अधिकाऱ्यांमध्ये श्रीमती ज्ञानदा जाधव (भौरी),उदय बागल (न्यायडोंगरी),अनिल देवकर (हिसवळ),श्रीमती दिपाली ठोसे (मनमाड),संतोष लोंढे (वाखारी),श्रीमती दृष्टी भोसले (पिंपरखेड) अशा श्रेणी एक च्या सहा अधिकाऱ्यांची नियुक्ती करण्यात आली आहे.