शिवसैनिक ते आमदार जनतेसाठी धावून जातात ; हीच खरी शिवसेनेची ओळख-: संपर्कप्रमुख शिर्के

सा.शनैश्वर टाइम्स-वृत्तसेवा

नांदगाव-: संतोष कांदे

सर्वसामान्य जनतेच्या समस्या सोडवण्यासाठी शिवसैनिक ते आमदार ही धावून येतो.आणि हीच खरी शिवसेनेची ओळख आहे.असे प्रतिपादन नांदगाव विधानसभा मतदार संघाचे संपर्कप्रमुख विजय शिर्के यांनी येथील शिवसेनेच्या आढावा बैठकीत केले.

      आगामी निवडणुकांच्या पार्श्वभूमीवर संपर्क कार्यालयात शिवसेना पदाधिकाऱ्यांची आढावा बैठक आयोजित करण्यात आली होती.त्यावेळी ते बोलत होते.

    बोलताना ते पुढे म्हणाले की,येत्या जिल्हा परिषद,पंचायत समित्या,नगरपालिका निवडणुका येऊ घातल्या आहेत.आणि या मतदार संघावर पूर्णपणे आपल्या पक्षाची सत्ता आहे.आपले आमदार सुहास कांदे दमदार आमदार म्हणून त्यांची गल्ली ते दिल्ली अशी ओळख त्यांनी त्यांच्या कर्तृत्वाने निर्माण केली आहे.गेल्या १० वर्षांपासून जो विकास खुंटला होता,त्याची भरपाई करण्याचे काम ते करत आहेत.विकास कामांसह सर्वसामान्य जनतेच्या छोट्या-छोट्या समस्या सोडवण्यास ही आमदार सुहास अण्णा प्राधान्य देत असल्याने शिवसेनेबाबत आनंददायी चित्र या मतदार संघात निर्माण झाल्याचे दिसून येत आहे.२० टक्के राजकारण अन ८० टक्के समाजकारण या हिंदुह्रदयसम्राट बाळासाहेब ठाकरे यांच्या शब्दप्रमाणे ते कृती करत आहेत.आणि त्यांच्या या कामाची पुरेपूर  दखल घेऊन शिवसैनिकांनी हे काम प्रत्येक नागरिकांपर्यंत पोहचवले पाहिजे.असे ते शेवटी म्हणाले.

     याप्रसंगी त्यांचे सहकारी रामचंद्र वाडेकर,

 शिवसेना उप जिल्हाप्रमुख संतोष बळीद,जिल्हा संघटक राजाभाऊ भाबड, युवासेना उप जिल्हाधिकारी मुन्ना भाऊ दरगुडे, तालुका संघटक संजय कटारिया, तालुका प्रमुख किरण देवरे,गुलाब भाबड, मनमाड शहर प्रमुख मयूर बोरसे, तसेच नांदगाव बैठकीत मार्केट कमिटीचे उपसभापती राजाभाऊ देशमुख, शहर प्रमुख सुनील जाधव, युवा सेना तालुका प्रमुख सागर हिरे, उपस्थित होते.