मराठा महासंघाचे २६ रोजी नांदगावात आमरण उपोषण.!

सा.शनैश्वर टाइम्स वृत्तसेवा

नांदगाव-: संतोष कांदे

मराठा समाजाच्या प्रलंबित मागण्यांसाठी छत्रपती युवराज संभाजी राजे मुंबईच्या आझाद मैदानावर आमरण उपोषण करणार आहेत,त्यांना पाठींबा म्हणून दि.२६ रोजी नांदगाव येथे ही आमरण उपोषण करणार असल्याचे मराठा महासंघाने जाहीर केले आहे.

       शहरातील शिवस्फूर्ती मैदानावरील छत्रपती शिवाजी महाराज यांच्या पुतळ्यासमोर अखिल भारतीय मराठा महासंघाचे पदाधिकारी व त्यांचे कुटुंबीय छत्रपती युवराज संभाजी राजे यांच्या समर्थनार्थ आमरण उपोषण करणार आहेत.

     विविध मागण्यांचे निवेदन शासनाचा निषेध करून निवासी नायब तहसीलदार रत्नाकर मरकड यांना देण्यात आले.यावेळी शिवभक्त सौ संगिता सोनवणे, अखिल भारतीय मराठा महासंघाचे तालुका उपाध्यक्ष  विशाल वडघुले, स्वाभिमानी शेतकरी संघटनेचे नांदगाव तालुका अध्यक्ष निलेश चव्हाण, राकेश चव्हाण उपस्थित होते.