पाच हजाराची लाच घेताना पुरवठा विभागाचा अव्वल कारकून जाळ्यात.
सा.शनैश्वर टाइम्स वृत्तसेवा
नांदगाव-: संतोष कांदे
पेठच्या तहसील कार्यालयातील पुरवठा विभागाचा अव्वल कारकून पाच हजार रुपयांची लाच घेताना लाच-लुचपत प्रतिबंधक विभागाच्या जाळ्यात अलगद सापडला.यामुळे मोठी खळबळ उडाली आहे.
तालुक्यातील अंबास येथील तक्रारदार महिलेने तिच्या पतीचे नाव शिधापत्रिकेवर लावून स्वस्त धान्य मिळावे,यासाठी अर्ज केला असता ; पुरवठा विभागाचे सुनील बोरसे यांनी सदर महिलेकडे पाच हजार रुपयांची मागणी केली होती.
लाचेची रक्कम स्वीकारताना सदर अव्वल कारकून बोरसे याला रंगेहाथ पकडण्यात आले आहे.सदर कारवाई पोलीस अधीक्षक सुनील कडासने,अपर पोलीस अधीक्षक नारायण न्याहळदे यांच्या मार्गदर्शनाखाली पोलीस निरीक्षक जयंत शिरसाठ,श्रीमती मीरा आदमाने, पो.ना.नितीन कराड,प्रभाकर गवळी,प्रवीण महाजन,नितीन डावखर,संतोष गांगुर्डे,यांच्या पथकाने केली आहे.
प्रतिक्रिया-:
सतिश भामरे, वाचक पोलीस उपअधीक्षक ला.वि.प्र.
सर्व नागरीकांना आवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी कींवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ संपर्क साधावा.
अँन्टी करप्शन ब्युरो, नाशिक.
दुरध्वनी- 0253- 2578230.
टोल फ्रि क्रं. १०६४
Comments
Post a Comment