आशा सेविकांसाठी दरवर्षी सांस्कृतिक कार्यक्रम घेणार-:सौ.अंजुम कांदे

सा.शनैश्वर टाइम्स वृत्तसेवा

नांदगाव-: संतोष कांदे

सतत समाजासाठी झटणाऱ्या आशा सेविकांसाठी दरवर्षी एक सांस्कृतिक कार्यक्रम घेण्याचा मनोदय आमदार सुहास कांदे यांच्या सुविद्य पत्नी सौ.अंजुम कांदे यांनी व्यक्त केला,त्या तालुका आरोग्य विभागाच्या राष्ट्रीय आरोग्य अभियान अंतर्गत आशा गुणगौरव सोहळ्यात बोलत होत्या.

     गेल्या दोन वर्षापासून कोरोनाच्या उद्रेकामुळे आशा सेविकांना सतत कार्यरत रहावे लागले.आणि त्यामुळे दरवर्षी १ डिसेंबर ला साजरा होणारा 'आशा डे' झालेला नव्हता.आणि निमित्ताने तो ही साजरा करण्यात आला.या कार्यक्रमाच्या अध्यक्षस्थानी सौ.कांदे होत्या

     

पुढे बोलताना सौ.कांदे म्हणाल्या की,कोरोना काळात आशा सेविकांनी न घाबरता आपलं कुटुंब सांभाळून जनतेची सेवा केली.या कठीण काळात प्रत्येक घरी पोहचून आरोग्य सेवा पुरवली.आणि ही खूप मोठी गोष्ट आहे.असे ही त्या शेवटी म्हणाल्या.

     तालुका आरोग्य अधिकारी डॉ.संतोष जगताप यांनी ही मनोगतातून आरोग्य सेवेचा भक्कम पाया म्हणून आशा वर्कर चे काम आहे.आणि हे काम दुसरे कुणी करू शकत नाही.असा गौरव केला.

        याप्रसंगी आशासेविका साठी विविध स्पर्धा आयोजित करण्यात आल्या होत्या यात सांस्कृतिक कार्यक्रम व रांगोळी स्पर्धेचे आयोजन केले होते. सौ अंजुम सुहास कांदे यांच्या हस्ते विजेत्यांना बक्षीस देऊन गौरविण्यात आले.

       या प्रसंगी शिवसेना महिला आघाडी उप जिल्हा प्रमुख संगीता बागुल,नांदगाव तालुका प्रमुख विद्या जगताप,नांदगाव शहर प्रमुख रोहिणी मोरे तसेच तालुका आरोग्य अधिकारी डॉ.संतोष जगताप, आरोग्य विस्तार अधिकारी चंद्रेश्वर तुपे व अमोल कठाळे,लेखाधिकारी आनंद घुगे,सहाय्यक किशोर ढेकळे, कुष्ठरोग सहाय्यक निलेश आहेर, संबंधित तालुक्यातील सर्व प्राथमिक आरोग्य केंद्राचे डॉक्टर्स, सर्व आशा सेविका उपस्थित होत्या.