जिल्ह्यातील कुपोषण कमी करण्यात सभापती आहेर यांची भूमिका मोलाची- : दिपक चाटे

सा.शनैश्वर टाइम्स वृत्तसेवा

नांदगाव -: संतोष कांदे

जिल्हा परिषदच्या महिला व बालकल्याण समितीच्या सभापती पदाचा कार्यभार हाती घेतल्यापासून सभापती अश्विनी आहेर यांनी झपाटल्यागत काम केले.व जिल्ह्यातील कुपोषणाचे प्रमाण कमी कसे करता येईल,याबाबत प्रभावी उपाययोजना केल्या.असे प्रतिपादन महिला व बालकल्याण विभागाचे उपमुख्य कार्यकारी अधिकारी दिपक चाटे यांनी केले.

      यावेळी व्यासपीठावर जिल्हा परिषद च्या महिला व बालकल्याण समितीच्या सदस्या सौ.कविता धाकराव,सौ.रेखा पवार,सौ.सुनिता सानप,सौ.गीतांजली पवार,सौ.कमल आहेर,सौ.सुनिता आहेर,आदी उपस्थित होते.

   तालुक्यातील नस्तनपूर येथे मेळावा घेण्यात आला.या मेळाव्यास जिल्ह्याच्या २६ प्रकल्पातील बालविकास अधिकारी,तालुक्यातील मुख्यसेविका व  २०० च्या आसपास अंगणवाडी सेविका उपस्थित होत्या.त्यावेळी श्री.चाटे बोलत होते.

    ते पुढे म्हणाले की,बालकांचे कुपोषण कमी करण्यासाठी सन २०१९-२० ते २०२१-२२ या वर्षात आदिवासी व ग्रामीण भागातील बालकांना,गर्भवती महिलांना,स्तनदा मातांना ३७ हजार ९८६ किलो पोषणकल्प वडींचे वाटप करण्यात आले.महिला व मुलींना ३ लाख ८१ हजार १९६ सॅनिटरी नॅपकीन, बालकांना ५ हजार १७६ नग खेळणी,बालकांसाठी २ हजार ८९ जलशुद्धीकरण यंत्र,वजन घेण्यासाठी ५८० वजन काटे,बालकांना ६ हजार २५० दर्जेदार गणवेश अशी कार्यवाही करण्यात आल्याचे सांगून कुपोषण चे प्रमाण निम्म्यावर आणल्याचे ते शेवटी म्हणाले.

     तर यावेळी अध्यक्षस्थानावरून बोलताना अश्विनी आहेर यांनी त्यांच्या कार्यकाळात महिला,मुली व बालकांसाठी केलेल्या कामाची माहिती दिली.त्या म्हणाल्या की,३ हजार ७०४ लाभार्थ्यांना शिवणकाम व फॅशन डिझाइन प्रशिक्षण,२ हजार ५०० लाभार्थ्यांना दुग्धजन्य पदार्थाचे उत्पादन बाबत प्रशिक्षण,१ हजार ७५० लाभार्थ्यांना घनकचरा व बायोगॅस प्रशिक्षण,२ हजार २७५ लाभार्थ्यांना इमिटेशन ज्वेलरी मेकिंग प्रशिक्षण,५ हजार ३०० लाभार्थ्यांना कराटे प्रशिक्षण,१ हजार ४६२ लाभार्थ्यांना ब्युटीपार्लर प्रशिक्षण,तर ३७८ लाभार्थ्यांना संगणक प्रशिक्षण आदी कामाची माहिती दिली.