महिला दिनी सौ.कांदे यांच्या हस्ते कर्तृत्ववान महिलांचा सन्मान..

सा.शनैश्वर टाइम्स वृत्तसेवा

नांदगाव-: संतोष कांदे

जागतिक महिला दिन व स्व.मीनाताई ठाकरे यांच्या स्मृतिदिनानिमित्त स्व.सरस्वती धामणे बहुउद्देशीय संस्थेने विविध क्षेत्रात कर्तृत्व गाजवलेल्या महिलांचा सन्मान करून खऱ्या अर्थाने महिला दिन साजरा केला.

     

 ज.ता.का.धर्मशाळेत साजरा करण्यात आलेल्या या कार्यक्रमाच्या अध्यक्षस्थानी तालुक्याचे आमदार सुहास कांदे यांच्या सुविद्य पत्नी सौ.अंजुम कांदे होत्या.

कार्यक्रमाची सुरुवात दिपप्रज्वलन तसेच राजमाता जिजाऊ, सावित्रीबाई फुले,तारा राणी, अहिल्याबाई होळकर,झाशीची राणी,रमाई, स्व,मिनाताई ठाकरे यांच्या प्रतिमेचे पुजन करून करण्यात आली.

        यावेळी प्रमुख पाहुण्या म्हणून माजी नगराध्यक्षा श्रीमती शोभा कासलीवाल,सौ.शबाना शेख़,सौ. अलका धामणे,सौ.मयुरी खरोटे,मुळडोंगरी च्या सरपंच सौ. मंगला नावंदर,सौ.ज्योत्स्ना निकम,नगरसेविका सौ. योगिनी गुप्ता,शिवसेना महिला आघाड़ी जिल्हा उपअध्यक्षा संगिता बागुल,तालुका अध्यक्षा विद्या जगताप,शहराध्यक्षा रोहणी मोरे, स्व.सरस्वती धामणे महिला बहुउद्देशीय संस्थेच्या अध्यक्षा सौ.सपना धामणे, उपाध्यक्षा सौ.सुशिला पारख,कार्याध्यक्षा सौ.आशा सुराणा.उपस्थित होत्या.

यावेळी विविध सांस्कृतिक कार्यक्रम आयोजित करून विजेत्या स्पर्धकांना वरील मान्यवरांच्या हस्ते बक्षीस म्हणून पैठणी साडया देण्यात आल्या.प्रथम बक्षीस डाॅ.सौ तृप्ती देवरे,सौ सारीका पाटणी,सौ रंजनी  भोकरे,सौ गिता रत्नपारखी, सौ योगिता रत्नपारखी,सौ प्रियंका खैरनार,सौ ममता लोहाडे,सौ अनिता लोहाडे, सौ.कविता आहेर,सौ कविता पांडे, सौ.गिता अग्रवाल,पोलीस कर्मचारी मोनाली ठाकरे,संध्याराणी कोकाटे,रंजना शिंदे यांना पैठणी साड्या देण्यात आल्या.

       

ज्या महिलांचा ८ मार्च रोजी जन्मदिन आहे,त्या भाग्यवान महिलांना ही पैठणी साड्या देण्यात आल्या. महिला दिन दिवशी जन्मदिन असलेल्या महिलांना पैठणी देण्यात आल्या.विविध क्षेत्रात कार्यरत महिलांचा ही यावेळी सत्कार करण्यात आला.यावेळी सौ.प्रिती सुराणा,सौ.श्वेता चौपडा,सौ.पुनम चौपडा,सौ.निकिता सुराणा,या कार्यक्रमाचे सूूत्रसंचालन सौ.माधुरी सुराणा,सौ.राखी सुराणा यांनी केले.