व्ही.जे.हायस्कुल च्या विद्यार्थ्यांचा निरोप समारंभ.!

नांदगाव-: वार्ताहर 

आयुष्यात यशस्वी होण्यासाठी चांगले संस्कार व श्रम करण्याची तयारी असणे आवश्यक असल्याचे प्रतिपादन डॉ.सम्राट पारख यांनी केले.

       व्ही.जे.हायस्कुल मध्ये इयत्ता दहावी च्या विद्यार्थ्यांचा निरोप व आशीर्वाद समारंभ आयोजित करण्यात आला होता.त्यावेळी ते बोलत होते.यावेळी अध्यक्षस्थानी शालेय व्यवस्थापन समितीचे अध्यक्ष संजीव धामणे होते,तर व्यासपीठावर मुख्याध्यापक दयाराम आहिरे,व मान्यवर उपस्थित होते.

      डॉ.पारख पुढे बोलताना म्हणाले की,शालेय जीवनात आपला अभ्यास जरी सर्वसाधारण असेल,पण आपल्या अंगी चांगले गुण ,संस्कार व श्रम करण्याची तयारी असेल तर १० वी नंतर असे विद्यार्थी आपल्या जीवनात नक्कीच यशस्वी होतात.तर यावेळी सिद्धी देवरे,रोहन खैरनार,पलक पांडे,तुलसी काळे,या विद्यार्थ्यांसह मुख्याध्यापक श्री.आहिरे,शिक्षक अनिल पाटील,भास्कर जगताप यांनी ही मनोगत व्यक्त केले.

      अध्यक्षीय भाषणात जेष्ठ पत्रकार संजीव धामणे म्हणाले की, विद्यार्थांनी चांगला अभ्यास करून आपल्या शाळेचा नावलौकिक वाढवावा.व या  परीक्षेसाठी शुभेच्छा देतो असे म्हणाले.

      या कार्यक्रमाचे सूत्रसंचालन सुभाष लाड यांनी केले.पाहुण्याचा परिचय गुलाब पाटील यांनी करून दिला तर आभार दिपाली सांगळे यांनी मानले. कार्यक्रमाचे नियोजन प्रकाश गरुड,भास्कर मधे,भैय्यासाहेब चव्हाण ,म.का.शिंदे,यांनी केले. कार्यक्रम यशस्वीते शाळेतील सर्व शिक्षक शिक्षकेतर कर्मचारी यांनी परिश्रम घेतले.