नांदगाव तालुक्यातील अनेक गावांत विविध विकासकामांना मंजुरी. आमदार कांदे यांच्या प्रयत्नांना यश..

सा.शनैश्वर टाइम्स वृत्तसेवा

नांदगाव-:वार्ताहर

तालुक्यातील अनेक गावांत आमदार सुहास कांदे यांच्या प्रयत्नाने डॉ.बाबासाहेब आंबेडकर सामाजिक विकास योजनेअंतर्गत विविध विकासकामांना मंजुरी मिळाली आहे.

     आमदार श्री.कांदे यांच्या संपर्क कार्यालयातून मिळालेल्या माहितीनुसार,अनुसूचित जाती व नवबौद्ध घटकांच्या वस्तीमध्ये लोकोपयोगी विकासकामांना मंजुरी मिळावी यास्तव आमदार सुहास कांदे यांनी पाठपुरावा केला होता.त्या कामांना नुकतीच मंजुरी मिळाली आहे.

      भारत रत्न डॉक्टर बाबासाहेब आंबेडकर सामाजिक विकास योजनेअंतर्गत राज्यातील नागरी व ग्रामीण क्षेत्रातील अनुसूचित जाती व नवबौद्ध घटकांच्या वस्त्यांचा व गावांचा विकास करण्यासाठी मूलभूत सुविधा पुरविण्यासाठी विविध विकास कामांची तरतूद आहे या अनुषंगाने आमदार सुहास कांदे यांच्या माध्यमातून नांदगाव विधानसभा मतदारसंघातील विविध विकासकामांना मंजुरी मिळाली आहे.

       या कामांमध्ये रस्ता काँक्रीटीकरण ची कामे चिंचविहीर,बोलठाण,जातेगाव,लोढरे, या गावातील मागासवर्गीय वस्तीत मंजूर झाली आहेत.तर सामाजिक सभागृह च्या कामांमध्ये जळगाव बुद्रुक,तांदुळवाडी,ढेकू बुद्रुक,मांडवड, कासारी,आदी गावांचा समावेश असून,जळगाव खुर्द येथे पेव्हर ब्लॉक बसवणे या कामांचा समावेश असून,लवकरच या कामांचा शुभारंभ होणार असल्याची माहिती आमदार सुहास कांदे यांनी दूरध्वनीवरून बोलताना दिली.