नांदगाव बाजार समितीच्या उपसभापतीपदी दिलीप पगार

सा.शनैश्वर टाइम्स वृत्तसेवा

नांदगाव-: वार्ताहर

तालुक्यातील शिवसेनेचे जेष्ठ नेते बापूसाहेब कवडे,आमदार सुहास कांदे यांच्या सूचनेनुसार नांदगाव कृषी उत्पन्न बाजार समितीच्या उपसभापतीपदी दिलीप पगार यांची बिनविरोध निवड करण्यात आली.

    बाजार समितीचे उपसभापती राजेंद्र देशमुख  यांनी ठरलेल्या आवर्तनानुसार राजीनामा दिल्याने बाजार समितीच्या कार्यालयात आज रोजी उपसभापती पदाच्या निवडीसाठी विशेष सभेचे आयोजन करण्यात आले होते. यावेळी उपसभापती पदासाठी दिलीप  पगार (रा.कळमदरी) यांचे एकच नामनिर्देशन पत्र दाखल झाल्याने त्यांची बिनविरोध निवड झाल्याचे निवडणूक निर्णय अधिकारी तथा सहाय्यक निबंधक चंद्रकांत विघ्ने यांनी जाहिर केले.

           नामनिर्देशन पत्रावर संचालक पुंजाराम जाधव यांनी सुचक तर दत्तात्रय निकम यांनी अनुमोदक म्हणून सही केली.

उपसभापती निवडीपूर्वी संचालक मंडळाची शिवसेना कार्यालयात बैठक होवून संस्थेचे मार्गदर्शक तथा आमदार  सुहास कांदे व जेष्ठ नेते बापूसाहेब कवडे यांचे उपस्थितीत दिलीप पगार यांचे नावावर एकमत झाले. त्यानंतर निवडणूक प्रक्रिया पार पडली. निवडणूकी वेळी बाजार समितीचे सभापती तेज कवडे , मावळते उपसभापती राजेंद्र देशमुख , संचालक विलास आहेर , एकनाथ सदगिर,  भाऊसाहेब हिरे , भरत शेलार ,श्रावण काळे , गोरख सरोदे , नंदू खरात , भास्कर कासार ,भाऊसाहेब सदगीर ,यज्ञेश कलंत्री ,  प्रफ्फुल पारख , यशोदाबाई हेंबाडे,  सरला दिवटे , अलकाताई कवडे , मंगला काकळीज , मनिषा काटकर ,सचिव अमोल खैरनार यांच्यासह शिवसेना तालुका प्रमुख  किरण देवरे, मजूर फेडरशेनचे संचालक प्रमोद भाबड ,  सुरेश पगार , रमेश पगार , मनोज पगार , हिंमतराव पगार , बाळासाहेब पगार , साहेबराव पगार , सतिष पगार , विकी पगार , सम्राट पगार , यांचेसह  शेतकरी बांधव , कर्मचारी वर्ग मोठ्या संख्येने उपस्थित होते.

दिलीप पगार यांचे  निवडीचे आमदार सुहास कांदे, जेष्ठ नेते बापूसाहेब कवडे यांनी अभिनंदन केले आहे.