बोलठाण येथे ४६ लाखांचा गुटखा पकडला.... प्रतिष्ठित व्यापारी गोकुळ कोठारीवर गुन्हा दाखल

सा.शनैश्वर टाइम्स वृत्तसेवा

नांदगाव-: संतोष कांदे

घाटमाथ्यावरील बोलठाण येथे काल रात्री उशिरा अन्न व औषध प्रशासनाने एका खाजगी गोदामावर धाड टाकून सुमारे ४६ लाख २६ हजार रुपयांचा गुटखा पान मसाला व सुगंधित तंबाखू जप्त केली.व दोघांवर विविध कलमान्वये गुन्हा दाखल करण्यात आला आहे.

        नांदगाव पोलिसांनी दिलेली माहिती अशी की,अमित रासकर ( अधिकारी अन्न व औषध प्रशासन नाशिक) यांनी दिलेल्या फिर्यादीनुसार,बोलठाण येथील प्रतिष्ठित व्यापारी गोकुळ कोठारी,श्री.जैन (कोठारी यांचे सासरे) यांच्या प्रिन्स ट्रेडर्स (बी.डी. गोडावून) येथे रात्री १२ वाजून ४५ मिनिटांनी धाड टाकली असता,दोन खोल्यात व वाहनात ४६ लाख २६ हजार ५५ रुपये किमतीचा गुटखा आढळून आला.या चौकशी दरम्यान श्री.जैन यांनी तपास कामात अडथळा निर्माण करण्याचा प्रयत्न केला,म्हणून अन्न सुरक्षा कायद्यासह शासकीय कामात अडथळा आणल्याचा गुन्हा ही दाखल करण्यात आला आहे.

         पुढील तपास पोलीस निरीक्षक रामेश्वर गाडे यांच्या मार्गदर्शनाखाली पोलीस उपनिरीक्षक मनोज वाघमारे करत आहेत.