येत्या रविवारी छत्रपतींच्या पुतळ्याची पुनर्स्थापना... खासदार युवराज छत्रपती संभाजीराजे राहणार उपस्थित...

सा.शनैश्वर टाइम्स वृत्तसेवा

नांदगाव-: संतोष कांदे

शहरातील नगरपालिका आवारातील 'शिवस्फूर्ती' या छत्रपती शिवाजी महाराज यांच्या पुतळ्याची पुनर्स्थापना येत्या रविवारी खासदार युवराज छत्रपती संभाजीराजे यांच्या प्रमुख उपस्थितीत होत असून,या कार्यक्रमास शिवप्रेमीनीं व जनतेने मोठ्या संख्येने उपस्थित रहावे असे आवाहन आमदार सुहास कांदे यांनी केले आहे.

     गेल्या महिन्यात सदर पुतळ्याभोवती असलेल्या स्मारकाची दुर्दशा झाल्याची तक्रार शिवभक्त संगिता सोनवणे यांनी नगरपरिषदकडे केली होती.मात्र या तक्रारीची स्वतःहुन दखल घेत आमदार सुहास कांदे यांनी सदर स्मारकासाठी तातडीने २५ लाख रुपयांचा निधी उपलब्ध करून दिला.व शिवजयंतीला स्मारक पूर्ण केले जाईल असा शब्द ही दिला.त्या अनुषंगाने सदर स्मारक पूर्ण ही झाले असून,छत्रपती शिवाजी महाराज यांचा सोनेरी मुलामा दिलेली नवीन मूर्ती ही आणण्यात आली आहे.

    या नवीन स्मारक व  पुतळ्याची रविवारी (दि.१३) रोजी हत्ती,घोडे,मर्दानी खेळ, ढोल पथक अशा शिवशाही वातावरणात खासदार युवराज छत्रपती संभाजीराजे यांच्या हस्ते पुनर्स्थापना केली जाणार आहे.