नो टॉक.... फैसला ऑन दि स्पॉट....-: आमदार सुहास कांदे यांची कार्यपद्धती जनतेत लोकप्रिय..

सा.शनैश्वर टाइम्स वृत्तसेवा

नांदगाव-: वार्ताहर

नो एफ.आय.आर.... नो टॉक.... फैसला ऑन दि स्पॉट....असा डायलॉग काही वर्षांपूर्वी आलेल्या एका हिंदी चित्रपटात होता.अन तो डायलॉग चांगलाच प्रसिद्ध झाला होता.अगदी याप्रमाणेच तालुक्याचे आमदार सुहास कांदे यांची कार्यपद्धती तालुक्यात चांगलीच लोकप्रिय झाली आहे.आणि हे अमोदे येथील आपद्ग्रस्त कुटुंबाला तत्काळ केलेल्या मदतीवरून स्पष्ट झाले आहे.

         मतदारसंघातील कोणत्याही नागरिकाचे काम ऑन दी स्पॉट सोडवण्याची आमदार श्री.कांदे  यांची पद्धत आता सर्वांनाच परिचित झाली आहे. मतदार संघातील नागरिकांच्या अडी अडचणीत धावून जाणे यासाठी आमदार सुहास कांदे अग्रेसर असतात.याचे उदाहरण म्हणून नांदगाव तालुक्यातील अमोदे गावातील रहिवासी सोमनाथ पाटील यांच्या घरात काही दिवसापूर्वी गॅस सिलेंडरचा स्फोट होऊन तीन शेळ्यांचा मृत्यू व संसार उपयोगी वस्तू मोटरसायकल असे मोठे नुकसान झाले होते. आमदार सुहास अण्णा कांदे यांना ही बाब समजताच  नांदगाव येथे शिवनेरी या शासकीय विश्रामगृहावर या कुटुंबास एक मदतीचा हात म्हणून संसार उपयोगी वस्तू यामध्ये गॅस सिलेंडर, गॅस शेगडी, भांडी, कपडे व अन्नधान्य देऊन धीर देण्याचे काम केले आहे. 

आमदार सुहास कांदे यांनी या नुकसानग्रस्त कुटुंबातील सोमनाथ पाटील व रेखा बाई पाटील यांचा संसार पुन्हा सुरळीत सुरू व्हावा यासाठी मदतही केली आणि त्यांना धीर देत नांदगाव तालुका तील संपूर्ण मतदार माझे कुटुंब आहे आणि आपणही माझ्या कुटुंबातील एक सदस्य आहात त्यामुळे आपल्या सुखदुःखात सहभागी होणे हे माझे कर्तव्य आहे झाले गेले विसरून जा आणि नवीन संसार थाटामाटात सुरू करा अजूनही काही मदत लागली तर मला केव्हही आवाज द्या मी हजर आहे असे आश्वासन दिले. उपस्थित कुटुंबाने आमदार सुहास कांदे यांचे आभार मानले

याप्रसंगी शिवसेनेचे नांदगाव तालुकाप्रमुख किरण देवरे जिल्हा नियोजन समिती सदस्य प्रमोद भाबड शिवसेनेचे शहर प्रमुख सुनील जाधव,प्रशांत पगार आमोदे ग्रामपंचायत सदस्य विठ्ठल पगार, रमेश पगार पुरुषोत्तम पगार तात्यासाहेब पवार आदी उपस्थित होते