पिंपरखेड येथील स्मशानभूमी वादाच्या भोवऱ्यात.!
सा.शनैश्वर टाइम्स वृत्तसेवा
पिंपरखेड -: धनंजय देशमुख
साधारणतः ग्रामपंचायतीच्या जागेत लोक अतिक्रमण करत असल्याच्या घटना घडतात.मात्र ग्रामपंचायतीनेच एका व्यक्तीच्या खाजगी जागेत अतिक्रमण केल्याची अभूतपूर्व घटना तालुक्यातील पिंपरखेड येथे घडली असून,आता यावर तहसीलदार व गटविकास अधिकारी काय कारवाई करतात याकडे तालुक्याचे लक्ष लागले आहे.
तालुक्यातील पिंपरखेड येथील बसस्थानक लगतच्या खाजगी जागेत असलेली स्मशानभूमी अनधिकृतपणे बांधण्यात आली असून,ती तत्काळ येथून हटवण्यात यावी अशी मागणी या खाजगी जमिनीचे मालक मधुकर गरुड यांनी तहसीलदार व गटविकास अधिकारी यांच्याकडे केली आहे.
या बाबत अधिक असे की, पिंपरखेड येथील मात्र नोकरी निमित्ताने हैद्राबाद येथे वास्तव्य करून असलेले मधुकर गरुड यांच्या मालकीची बसस्थानका लगत शेती आहे.या शेताच्या कोपऱ्यावर ग्रामपंचायतीने मागील काही वर्षांपूर्वी पत्र्याची स्मशानभूमी मूळ मालकाची परवानगी न घेता बांधून टाकली.मात्र आता गावोगावी स्मशानभूमीची पक्की बांधकामे होत असल्याने ही शेती कायमस्वरूपी अडकली जाईल. म्हणून सदर अतिक्रमित स्मशानभूमी तत्काळ काढून टाकावी.अन्यथा उपोषणाचा इशारा गरुड यांनी तहसीलदार सिद्धार्थ मोरे, गटविकास अधिकारी गणेश चौधरी यांनी दिलेल्या निवेदनात दिला आहे
प्रतिक्रिया-: संभाजी चव्हाण ,उपसरपंच पिंपरखेड -: पिंपरखेड बसस्टँड लगत असलेली स्मशानंभूमी असून अडचण, नसून खोळंबा आहे, मोक्याच्या जागी असल्याने गाव च्या चौफुली वर असल्याने अंत्यविधी प्रसंगी शेजारी असलेल्या व्यावसायिक,प्रवासी यांची येथे कुचंबणा होत असते.त्यामुळे ही स्मशानभूमी येथून हटवणे योग्य ठरेल.
Comments
Post a Comment