भगवान महावीर यांच्या त्या पाच तत्वांचा अंगीकार करावा-: प्रा.नारायणे

सा.शनैश्वर टाइम्स वृत्तसेवा

नांदगाव-: वार्ताहर

 जैन धर्माचे २४ वे तिर्थकर यांनी जैन धर्मात जी सत्य,अहिंसा, असत्यय,परिग्रह,ब्रम्हचर्य हे मुळ पाच तत्व महत्वाचे सांगितले आहे.विश्वाचा विकास व प्रगती व्हावी असे वाटत असेल तर प्रत्येकाने या तत्वांचा अंगिकार केल्यास हिंसाचार, अत्याचार, चोरी,या गोष्टींना आळा बसेल व जनसामान्यांमध्ये सुसंवाद, व शांती ,आनंदी वातावरण निर्माण होईल असे प्रतिपादन राज्यशास्त्र कनिष्ठ महाविद्यालयीन परिषदेचे राज्य उपाध्यक्ष तसेच प्रसिद्ध कवी व वक्ते  प्रा.सुरेश नारायणे यांनी केले.

      ते जैन धर्मशाळेत आयोजित भ.महावीर यांच्या जयंतीच्या पूर्वसंध्येला विधीज्ञ जयकुमार कासलीवाल गौरव समिती व भारतीय जैन संघटना शाखा- नांदगाव आयोजित  केलेल्या भगवान महावीर  व्याख्यानमाला-२०२२  पुष्प २१ वे गुंफताना ते  प्रमुख वक्ते म्हणून बोलत होते.यावेळी व्यासपीठावर अँड.जयकुमार कासलीवाल,   अध्यक्ष ख.दि.जैन पंचायत सुशिल कासलीवाल,  महामंत्री ख.दि.जैन पंचायत दिलीप शेठी,अध्यक्ष वसंत मुनीजी छात्रावास जसराज पारख,  राज्य कार्यकारणी सदस्य भारतीय जैन संघटना दत्तराज छाजेड,   शहराध्यक्ष जैन संघटना डॉ. रमणलाल गादीया, महिला विभाग जैन संघटना आशाताई दरडा,आशाताई सुराणा  , निलेश पाटणी आदी व्यासपीठावर उपस्थित होते. 

      सकाळी संपूर्ण शहरात प्रभातफेरी नंतर झेंडा वंदन करण्यात आले. आणि पालखी मिरवणूक काढण्यात आली. या मिरवणुकीत नांदगावचे आमदार सुहास आण्णा कांदे यांनी सक्रिय सहभाग नोंदविला. तसेच नांदगावचे नगराध्यक्ष राजेशजी कवडे, शिवसैनिक व जैन समाज बांधव मोठ्या संख्येने सहभागी झाले होते.पुरुषांनी सफेद वस्र तर महिलांनी केसरी साडी परिधान केली होती. शोभा यात्रेचे सुंदर असे संचलन होते.  भंडारा झाला.  तसेच श्री. भ.महावीरांचा पाळणा आदी कार्यक्रम घेण्यात आले. व ओसवाल भुवन आणि स्व.ज.ता.का.खं.दि.जैन धर्मशाळेत सांस्कृतिक  व धार्मिक कार्यक्रमांचे आयोजन केलेले होते.