माझ्या जनतेला शुद्ध पाणीपुरवठा व्हावा...यातच तुमचे हित-: आमदार सुहास कांदे यांचा प्रशासनाला गर्भित इशारा.

सा.शनैश्वर टाइम्स वृत्तसेवा

नांदगाव-: वार्ताहर

तालुका पंचायत समितीत आज आमदार सुहास कांदे यांच्या अध्यक्षतेखाली तातडीची बैठक बोलावून पाणी टंचाई व नियोजन यावर साधक-बाधक चर्चा करण्यात आली.यावेळी आमदारांनी माझ्या जनतेला शुद्ध व वेळेवर पाणी पुरवठा झाला पाहिजे.! याबाबत हयगय होता कामा नये असा सज्जड दम आज तालुका प्रशासनाला भरला.आणि चांगले काम करत असताना कुनाचा त्रास होत असेल तर मला सांगा त्याचा योग्य तो बंदोबस्त केला जाईल असे सांगत जनहिताची कामे करणाऱ्यांच्या पाठीशी भक्कम उभे असल्याचा दिलासा ही आमदार कांदे यांनी दिला.

        तालुक्यातील पाणी टंचाई, व  नियोजन  आढावा बैठक आज रोजी पंचायत समिती कार्यालयात घेण्यात आली.बैठकीत तालुक्यात बाणगांव बुद्रुक व हिंगणवाडी पैकी जतपुरा वस्ती दोन टँकरचे प्रस्ताव प्राप्त झाले आहेत. त्यात जतपुरा येथील पाणीपुरवठा योजना पूर्ण होणार असून पाच ते सहा दिवसात पाणीपुरवठा सुरू होणार असल्याचे ग्रामीण पाणीपुरवठा विभाग येवला येथील उपअभियंता श्री. पाटील यांनी सांगितले.

              बैठकीत ४२ गावे पाणी पुरवठा योजनेवर बंद असल्याने त्यावर माननीय आमदार सुहास कांदे यांनी समितीची तात्काळ बैठक बोलविण्यात यावी, व आमदार निधीतून व इतर शासकीय निधी उपलब्ध करून सौर ऊर्जा वर आधारित योजना कायमस्वरूपी सुरू करण्यावर भर देत योजना सुरु करुन देण्याचा मानस व्यक्त केला. योजना सुरू झाल्यास योजनेवर आधारित ८०% तालुका कायमस्वरूपी दुष्काळ मुक्त होणार असल्याचे आमदार सुहास अण्णा कांदे यांनी सांगितले.

  यावेळी २०२३ ते २०२४ पर्यंत तालुक्यातील जास्तीत जास्त गावे कायमस्वरूपी टँकरमुक्त करण्याचा मानस आमदारांनी व्यक्त केला.

  तालुक्यातील आशा सेविका यांचे ग्रामपंचायतींनी त्यांचे ग्रामनिधीतून काळात केलेल्या कामाबाबत प्रोत्साहन म्हणून राहिलेले मानधन उर्वरित ग्रामपंचायतींनी लवकरात लवकर जमा करावे अशी कळकळीची सूचना वजा विनंती आमदारांनी केली.

  यावेळी जलस्रोतांचे पाणी नमुने वेळोवेळी प्रयोगशाळा मार्फत तपासणी करण्यात यावी पाणी पिण्यायोग्य असल्यावर त्याचा वापर करावा असे आमदार यांनी सांगितले. 

   यावेळी उपस्थित अधिकारी व कर्मचारी वर्गांना ग्रामीण भागात कुठेही पाण्याची कमतरता राहणार नाही यासाठी प्रामाणिक कार्य करण्याचे आवाहन केले.

 ग्रामसेवक संघटनेच्या वतीने माननीय आमदार कांदे व उपस्थित असलेल्या सर्व अधिकारी कर्मचारी यांचे आभार मानण्यात आले.

       या प्रसंगी जिल्हा नियोजन समिती सदस्य गुलाब भाबड शिवसेना तालुकाप्रमुख किरण देवरे

गट विकास अधिकारी गणेश चौधरी तहसीलदार सिद्धार्थ मोरे नगरपरिषदेचे मुख्य अधिकारी सचिन कुमार पटेल नांदगाव नगर परिषद मुख्याधिकारी डॉक्टर विवेक धांडे ग्रामपंचायत विस्तार अधिकारी श्री मांडवडे श्री ढवळे उप अभियंता ग्रामीण पाणीपुरवठा श्री पाटील  सर्व ग्रामसेवक तलाठी व पंचायत समितीचे कर्मचारी वर्ग उपस्थित होते.