व्ही.जे.हायस्कुल मध्ये उन्हाळी छंद वर्गाचे आयोजन
सा.शनैश्वर टाइम्स वृत्तसेवा
नांदगाव-: वार्ताहर
शहरातील नाशिक शिक्षण प्रसारक मंडळ संचालित व्ही.जे.हायस्कूलमध्ये चित्रकला छंदवर्ग शिबिराचे आयोजन करण्यात आले होते.उन्हाळी सुट्ट्यांचे दिवस विद्यार्थ्यांनी नुसता मोबाईल बघण्यात न घालवता,त्यांना नवीन काही शकता आले पाहिजे या उदात्त हेतूने चित्रकला छंद वर्गाचे आयोजन करण्यात आले होते.
या छंदवर्गास ५ वी ते ८ वी च्या विद्यार्थाचा १२० विद्यार्थांनी सहभाग घेतला . यात दोन गट करण्यात आले यात ५ वी ६ वी च्या गटात विद्यार्थांना निसर्ग चित्र ,वारली चित्रकला ,व ओरोगामी पद्धतीने कागदी विविध शोभेच्या वस्तून शिकविण्यात आल्या यांना कलाशिक्षक चंद्रकांत दाभाडे यांनी विद्यार्थांना मार्गदर्शन केले.व ७ वी ८ वी च्या गटात विद्यार्थांना (पुठ्ठ्या)माउंटबोर्ड पासून टेबलावर ठेवण्यासाठी फुलदाणी व पेन,मोबाईल व इतर वस्तू ठेवण्यासाठी स्टँड तयार करण्याचे शिकविण्यात आले यात कटरच्या सहाय्याने माउंटबोर्डचे कटिंग चिटकविणे व कलाकुसर करून रंगकाम करणे अशा विविध कौशल्य कलाशिक्षक विजय चव्हाण यांनी प्रात्याक्षिकातून समजून सांगून विद्यार्थाकडून वस्तू तयार करून घेतली.तसेच विविध आकाराची फुले तयार करणे तसेच विविध प्रकारचे शोभेच्या वस्तू कशा प्रकारे तयार करायच्या याची माहिती दिली .विद्यार्थांनी शाळेच्या या उपक्रमा विषयी आनंद व्यक्त केला व विद्यार्थी या सुट्टीत या कलेचा उपयोग करून नवनिर्मितीचा आनंद घेवू अशा भावना व्यक्त केल्या .
या चार दिवसाच्या शिबिराचे नियोजन मुख्याध्यापक दयाराम आहिरे ,उपमुख्याध्यापक भास्कर जगताप, प्रकाश गरुड यांनी केले. व वेळोवेळी भेटी देऊन विद्यार्थांना प्रोत्साहान दिले शिबिराला माजी मुख्याध्यापक शशिकांत आंबेकर , भास्कर मधे,तसेच पालकवर्ग यांनी छंद वर्गाला भेटी दिल्या व या उपक्रमाचे कौतुक केले.
Comments
Post a Comment