अश्विनी आहेर यांच्या प्रयत्नाने पिंपरखेड प्राथमिक आरोग्य केंद्रास रुग्णवाहिका ......
सा.शनैश्वर टाइम्स वृत्तसेवा
पिंपरखेड -: वार्ताहर
जिल्हा परिषदच्या माजी सभापती अश्विनी आहेर यांनी गेल्या तीन वर्षांपासून सातत्याने केलेल्या पाठपुराव्यामुळे अखेर पिंपरखेड प्राथमिक आरोग्य केंद्राला एक अद्यावत रुग्णवाहिका प्राप्त झाल्याने पूर्व भागात समाधान व्यक्त केले जात आहे.
मिळालेल्या माहितीनुसार, केंद्र शासनाच्या १४ व्या वित्त आयोगाच्या अखर्चित निधीमधून जिल्ह्यातील प्राथमिक आरोग्य केंद्रांना रुग्णवाहिका खरेदी करून पुरवठा करण्याबाबतचा अहवाल जिल्हा परिषदच्या सर्वसाधारण सभेत पारित करून शासनास पाठवण्यात आला होता.याच अहवालात पिंपरखेड प्राथमिक आरोग्य केंद्राचा प्राधान्यक्रमाने समावेश करावा अशी आग्रही मागणी अश्विनी आहेर यांनी लावून धरली होती.
सदरची रुग्णवाहिका प्राप्त करून दिल्या बद्दल अश्विनी आहेर यांनी मुख्य कार्यकारी अधिकारी लीना बनसोड, जिल्हा आरोग्य अधिकारी डॉ. कपिल आहेर, माजी शिक्षण व आरोग्य सभापती सुरेखा दराडे यांचे विशेष आभार मानले आहेत.
Comments
Post a Comment