वंचितांना शिधापत्रिकांचे वाटप करून भारतरत्न डॉ.आंबेडकर यांची आगळी-वेगळी जयंती साजरी

सा.शनैश्वर टाइम्स वृत्तसेवा

मोरझर-: वार्ताहर

 ज्या राज्यघटनेने नागरीकांना स्वातंत्र्य ,न्याय,बंधुता,हक्क,समानता बहाल केले त्या घटनाकार डॉ .बाबासाहेब आंबेडकर यांच्या जयंतीचे औचित्य साधुन मोरझर येथील आदिवासी बांधवांना घरपोच शिधापत्रिका वाटप करून आगळीवेगळी जयंती साजरी करण्यात आली.यासाठी सरपंच सौ.लीना पाटील यांचा पुढाकार महत्वाचा ठरला.

              येथील असंख्य आदिवासी बांधव शिधापत्रिकांसाठी शासकीय कार्यालयात वणवण करत होते.परंतु त्यात ही अडचणी येत होत्या.ही बाब येथील सरपंच सौ.लिना पाटील यांनी लक्षात घेऊन संबधीतांकडून कागदपत्रांची योग्य ती पुर्तता करुन आ.सुहास कांदे यांच्या प्रयत्नातुन व ज्येष्ठ नेते बापुसाहेब कवडे यांचे मार्गदर्शनाखाली सर्वांच्या शिधापत्रिका बनवून घेण्यात आल्या आहेत. 

      युवा सेनेचे तालुका अध्यक्ष सागर हिरे ,समन्वयक भावराव बागुल यांचे हस्ते आदिवासी बांधवाना शिधापत्रिकांचे वाटप करण्यात आले.

   याप्रसंगी पोलीस पाटील महेंद्र चोळके,सुर्यभान चोळके,कैलास चोळके,वाल्मिक गायके,वसंतराव चोळके,रामभाऊ लोहकरे,श्रावण चोळके,रामनाथ चोळके,अंबादास सोनवणे,सतिष चोळके,गणपत पावशे,सुभाष चोळके,देविदास पाटील,दत्तात्रय चोळके,भिमा निकम,संजय चोळके,बाळु निकम,संतोष सोणवणे,अशोक सोनवणे,हीरामण माळी,दिलीप चोळके,रतन सोनवणे,शाईनाथ पवार आदी उपस्थित होते.