झालं-गेलं विसरून जा....मुलींच्या शिक्षणाकडे लक्ष द्या...मी आहे ना.! - आ.कांदे यांची आपद्ग्रस्त कुटुंबाला मदत व धीर

सा.शनैश्वर टाइम्स वृत्तसेवा 

नांदगाव-: वार्ताहर

तालुक्याचे आमदार सुहास कांदे यांनी नांदगाव मतदार संघातील रोझे (ता.मालेगाव) येथील जळीत कांडात सर्व संसार गमावलेल्या कुटुंबास सर्वोत्तपरी मदत करून सामाजिक बांधिलकी जपली.

        कौतिक रंगराव धनगर व पत्नी मनीषा धनगर हे आठवडे बाजारानिमित्त बाहेर गावी गेले असताना त्यांच्या झोपडीला शॉर्ट सर्किट मुळे आग लागली आणि पाहता पाहता सर्व जळून खाक झाले,आधीच गरिबी त्यात ही वाईट वेळ त्या कुटुंबावर आली.कौतिक धनगर,पत्नी व तीन लहान मुली असा त्यांचा परिवार रस्त्यावर आला. 

   सदर परिस्थिती रोझे येथील सरपंच संजय उगले यांनी ज्ञानेश्वर कांदे यांच्या मार्फत आमदार सुहास आण्णा कांदे यांना कळविली असता, या कुटुंबास आज नांदगाव येथील आमदार निवस्थानी पाचारण करण्यात आले होते. आमदारांनी स्व खर्चातून या कुटुंबास संपूर्ण संसार उपलब्ध करून दिला.या मध्ये संसार उपयोगी सर्व भांडे,गॅस शेगडी,साडी चोळी,ड्रेस,तीनही मुलींना कपडे,गहू तांदळाचे कट्टे, तसेच वर काही पैसे. या पूर्वी या कुटुंबास आदरपूर्वक चहा पाणी करत आमदारांनी विचारपूस केली.झाले गेले विसरून जा मुलींकडे लक्ष द्या आणि माझी अजूनही काही मदत लागल्यास मला सांगा असा विश्वास ही दिला.

   मतदासंघातील जनतेच्या अडी अडचणीत धाऊन जाणे,त्यांना त्वरित मदत करणे, जनतेसाठी अहोरात्र कार्यरत राहणे यामुळे जनतेत दिलदार व दमदार आमदार म्हणून आमदार सुहास कांदे यांची ओळख निर्माण झाली आहे.

   आमदार सुहास कांदे हे सतत नुकसानग्रस्त, आपत्तीग्रस्तंना त्वरित स्वखर्चातून मदत करतात,धीर देतात,आणि कुटुंब प्रमुखाची जबाबदारी चोख बजावताना दिसत असतात 

    संपूर्ण संसार,कपडे व धान्य मिळाल्याचा आनंद या कुटुंबाच्या चेहऱ्यावर दिसून येत होता, त्यांनी आमदारांचे आभार मानले.

  या वेळी तालुका प्रमुख किरण देवरे,प्रमोद भाबड,संग्राम नाना बच्छाव, ज्ञानेश्वर कांदे,महेंद्र नाना दुकळे, धनंजय आप्पा कांदे, सुरेश जी शेलार, तालुकाप्रमुख पंकज दादा निकम, नांदगाव शहर प्रमुख सुनील जाधव,रोझें येथील सरपंच संजय उगले, भाऊराव बागुल अय्याज शेख,शशी सोनवणे, गजानन निकम, युवा तालुकाप्रमुख वैभव साळुंखे, यशवंत आप्पा, रोहित जाधव, विजय इप्पर, साहेबराव नरवाडे, दिनकर आबा महाले, बाळू बोराळे उपस्थित होते.