पती राज्यात प्रसिद्ध......तर पत्नी ने तालुक्याचे नाव थेट देश पातळीवर झळकवले.!

सा.शनैश्वर टाइम्स वृत्तसेवा

नांदगाव-: संतोष कांदे

पालकमंत्री ना.भुजबळ यांना विरोध करून आमदार सुहास कांदे संपूर्ण राज्यात प्रसिद्ध झाले.ही झाली राजकीय बाब...तर बुद्धिमत्ता व सौंदर्याच्या जोरावर त्यांच्या सुविद्य पत्नी सौ.अंजुम कांदे यांनी नांदगावचे नाव देश पातळीवर झळकवले आहे.आणि इतकेच नव्हे,तर आंतरराष्ट्रीय स्तरावर नांदगाव चा झेंडा रोवण्याचा बहुमान त्यांना मिळणार आहे.

       असे म्हणतात प्रत्येक यशस्वी पुरुषामागे एका स्त्री चा हात असतो...मात्र नांदगाव तालुक्यात हा एक यशस्वी पुरुष आणि एक यशस्वी स्त्री असा दुहेरी संगम साधला गेला आहे.याबाबत अधिक असे की,पॅरिसा कम्युनिकेशन आयोजित डिजेल्स इव्हेण्ट मिस व मिसेस सौंदर्यवती स्पर्धेत ३० एप्रिल २०२२ रोजी दिल्ली येथे झालेल्या ग्रँड फिनालेत देशभरातील विविध स्पर्धकांमधून मिसेस इंडिया वर्ल्ड-२०२२ पुरस्काराने 

सौ.अंजूम कांदे यांना गौरवण्यात आले.आणि नांदगाव ची मान उंचावण्याचा बहुमान त्यांना प्राप्त झाला.

      महाराष्ट्र, कर्नाटका, आसाम, सिक्कीम,अरुणाचल प्रदेश, तमिळनाडू, आंध्र प्रदेश, पंजाब, दिल्ली, हरियाणा या राज्यातून प्रत्येकी तीन स्पर्धकांनी या स्पर्धेत भाग घेतला. सामाजिक उपक्रम सामान्य ज्ञान, सांस्कृतिक योजना, व्यक्तिमत्त्व विकास या निकषांवरती अंजूम कांदे यांनी  उत्तम गुण मिळवत खिताब मिळवला.

         देवाज हेल्थ अँड फाउंडेशन तसेच समता ब्लड बँकेच्या माध्यमातून आरोग्य सेवेतही त्यांचे मोठे योगदान आहे, एक उत्तम गृहिणी, माता, यशस्वी व्यवसायिक, तसेच सेवाभावी समाजसेविका या विविध भूमिका त्या जबाबदार पणे यशस्वीरीत्या सांभाळतांना सौ.अंजुम यांनी नव्या युगाची प्रेरणा घेत सौंदर्य स्पर्धेत भाग घेत,स्वतःला सिद्ध केले, ही उल्लेखनीय बाब आहे. सौंदर्य स्पर्धेत सारख्या नवीन क्षेत्रात भाग घेतांना अंजुम कांदे यांनी आपल्या संस्कृतीचे भान ठेवले, मराठमोळी नऊवारी साडी परिधान करत स्पर्धेत भाग घेतला ही एक उल्लेखनीय बाब आहे.        

       नया यशस्वी विजयानंतर जुलै महिन्यात साऊथ कोरिया येथे होणाऱ्या मिसेस वर्ल्ड २०२२ स्पर्धेत भारताचे नेतृत्व करण्याचा मान सौ अंजुम कांदे यांना मिळाला आहे.