आगीत संसार नष्ट झालेल्या कुटुंबाला आमदार कांदे यांच्याकडून संपूर्ण संसारपयोगी वस्तूची मदत..

सा.शनैश्वर टाइम्स वृत्तसेवा

नांदगाव-: वार्ताहर

तालुक्याच्या घाटमाथ्यावरील जातेगाव येथील आपदग्रस्त कुटुंबाला तत्काळ संसारपयोगी वस्तू देऊन सामाजिक कर्तव्य पार पाडल्याने समाधान व्यक्त केले जात आहे.

          गावातील रमेश गायकवाड यांच्या घराला अचानक आग लागून घरातील संसारपयोगी वस्तूंची  अक्षरशः राख झाली होती.जीवितहानी झाली नसली तरी या महागाईने अगोदरच मेटाकुटीस आलेल्या या गरीब कुटुंबाची जगण्याची आशा या आगीने हिरावून घेतली होती.काही मिनिटातच होत्याचे नव्हते झाले.या घटनेची माहिती येथील शिवसैनिक गुलाब चव्हाण,भरत पाटील,मारुती सोनवणे यांनी आमदार सुहास कांदे यांना कळवली,त्यावर आमदार श्री.कांदे यांनी या कुटुंबाला निवासस्थानी बोलावून संपूर्ण संसारपयोगी वस्तू,कपडे,अन्न धान्य देऊन अजून काही मदत लागली तर निसंकोच सांगण्याचे आवाहन केले.

        याप्रसंगी शिवसेना तालुका प्रमुख किरण देवरे, भावराव बागुल, गुलाब चव्हाण भरत पाटील चांगदेव पगारे किरण घुगे, डॉक्टर खिराडकर अनिल गायकवाड योगेश पवार भिकन पगारे सुनील खिराडकर उपस्थित होते.