संजय गांधी निराधार योजनेची बैठक संपन्न

शनैश्वर टाइम्स वृत्तसेवा

नांदगाव-: वार्ताहर

आमदार सुहास  कांदे यांच्या सूचनेनुसार रोजी संजय गांधी निराधार योजना समितीची पहिली बैठक समितीचे अध्यक्ष व शिवसेना तालुकाप्रमुख किरण देवरे यांच्या अध्यक्षतेखाली तहसील कार्यालय नांदगाव येथे संपन्न झाली.

        नायब तहसीलदार नरेंद्र वाघ यांनी प्रास्ताविक करत अध्यक्ष व सदस्यांचे स्वागत केले. बैठकीत उपस्थित अधिकाऱ्यांकडून सदस्यांना सर्व योजनांची सविस्तर माहिती देण्यात आली.

   संपूर्ण तालुक्यातून आलेल्या ९०० अर्जांवर चर्चा करण्यात येवून यातील जवळपास ८६५ अर्ज मंजूर करण्यात आले असून ३५ अर्जांची कागदपत्र अपूर्ण असल्यामुळे संबंधित अर्जदारांना संपर्क करून आवश्यक ते कागदपत्र जोडून नव्याने अर्ज दाखल करून घेण्याच्या सूचना अध्यक्ष किरण देवरे यांनी केल्या. मागील १० ते १२ वर्षांपासून निराधार योजना समिती स्थापन नसल्यामुळे अनेक निराधार गरजू लाभार्थी या योजनांचा लाभ मिळण्यापासून वंचित राहिलेले होते. 

   तालुक्यातील निराधार महिला तसेच गरजू लाभार्थ्यांनी सदर योजनेचा लाभ घेण्यासाठी शिवसेना मध्यवर्ती संपर्क कार्यालयात भेट द्यावी, आपणास सदर योजनांचा लाभ मिळवून दिल्या जाईल, असे आवाहन आमदार सुहास कांदे तसेच समितीचे अध्यक्ष किरण देवरे यांनी केले आहे.

     याप्रसंगी समिती चे सदस्य विजय ईप्पर, ताराबाई सोनवणे, प्रवीण निकम, प्रभाकर पवार, राजेंद्र पवार विजय पाटील,संगीता पवार  आशुतोष जाधव, तहसीलदार सिद्धार्थ मोरे, गटविकास अधिकारी गणेश चौधरी, नायब तहसीलदार नरेंद्र वाघ, अव्वल कारकून संतोष डुंबरे, बी.ए.पैठणकर, श्रीमती रत्नप्रभा पवार, प्रवीण चव्हाण आदी उपस्थित होते.