शिधापत्रिका युक्त मतदारसंघ करण्याचा आमदार सुहास कांदे यांचा स्तुत्य प्रयत्न.!

सा.शनैश्वर टाइम्स वृत्तसेवा

नांदगाव-: वार्ताहर

सर्वसामान्य जनतेच्या अत्यंत जिव्हाळ्याचा विषय असलेल्या शिधापत्रिका घरपोहोच वाटप करण्याचे काम तालुक्याचे आमदार सुहास कांदे यांच्या माध्यमातून गेल्या दोन वर्षांपासून सुरू असल्याने जनतेत मोठे समाधान पसरले आहे.

       नांदगाव विधानसभा मतदारसंघातील जी-जी कुटुंबे शिधापत्रिकांपासून वंचित होते व आहेत,त्या प्रत्येक कुटुंबाला घरपोहोच शिधापत्रिका दिल्या जात आहेत.आज हिरेनगर येथील आदिवासी कुटुंबांना शिधापत्रिका उपलब्ध करून देण्यात आल्या.

      हिरेनगर येथील जवळपास साठ आदिवासी कुटुंबाकडे शिधापत्रिका नव्हत्या.त्यांना आज शिधापत्रिका देण्यात आल्यानंतर त्यांच्या चेहऱ्यावर समाधान व मनात आमदार श्री.कांदे यांच्या बद्दल कृतज्ञता दिसून आली.

         याप्रसंगी माजी उपसभापती राजाभाऊ देशमुख, संघटक भाऊराव बागुल, युवासेना तालुका कार्याध्यक्ष वाल्मीक निकम तसेच मोठ्या संख्येने नागरिक उपस्थित होते.