मराठी शाळांचा प्रवेशोत्सव सोहळा अविस्मरणीय.!

सा.शनैश्वर टाइम्स वृत्तसेवा

नांदगाव-: वार्ताहर

तालुक्यातील ३३५ शाळा विद्यार्थ्यांच्या उपस्थितीने कालपासून गजबजल्या.तर या विद्यार्थ्यांचे अनेक नवनवीन कल्पना राबवत उत्साहात स्वागत करण्यात आले.

        शैक्षणिक वर्ष सन २०२२-२३ या शैक्षणिक वर्षाला काल १५ जून पासून सुरुवात करण्यात आली आहे.या विद्यार्थ्यांच्या स्वागताच्या पूर्वतयारी साठी सर्व शिक्षकांना १३ जून पासूनच त्या-त्या शाळांवर हजर राहण्याच्या सूचना देण्यात आल्या होत्या.पंचायत समितीच्या शिक्षण विभागासह स्वतः गटविकास अधिकारी तथा प्रशासक गणेश चौधरी यात सहभागी झाले होते.व त्यांनी अधिकारी ,कर्मचारी यांची फिरती पथके बनवून सर्व तयारी करवून घेतली होती.

         

शाळेच्या पहिल्या दिवशी मोफत पाठ्यपुस्तक योजना   अंतर्गत इयत्ता पहिली ते आठवीच्या सर्व पात्र लाभार्थ्यांना  मोफत पाठ्य पुस्तके उपलब्ध करून देण्यात आले. तसेच मोफत गणवेश योजना अंतर्गत नांदगाव तालुक्यातील एकूण १५१८९ लाभार्थी विद्यार्थ्यांना मोफत गणवेश  उपलब्ध करून देण्यात आले होते.

        दरम्यान माजी जिल्हा परिषद सदस्य  रमेश बोरसे

गटविकास आधिकारी गणेश चौधरी, गट शिक्षण अधिकारी प्रमोद चिंचोले, सर्व शिक्षा अभियानचे जिल्हा कार्यक्रम अधिकारी सुनिल दराडे, यांनी  साकोरे येथील शाळेला भेट दिली.व विद्यार्थ्यांचे स्वागत केले. 

     या प्रवेशोत्सव कार्यक्रमाचे यशस्वी नियोजन गटविकास अधिकारी गणेश चौधरी, गटशिक्षणाधिकारी  प्रमोद चिंचोले यांचे मार्गदर्शनाखाली विस्ताराधिकारी नंदा सोळुंके, किशोर सोनवणे, विषय तज्ञ योगेश फटांगरे, पुरुषोत्तम बुरकुल, धनराज सूर्यवंशी, विशेष शिक्षक ज्योत्स्ना पाटील,देश राणी देवरे , दुर्गादास पांढरे सचिन जाधव ,पंकज कुमार पाकळे , राजेंद्र काकळीज, संदीप नवले यांनी केले.