आमदार कांदे यांच्या पाठपुराव्याने चार लाख रुपयांची मदत

सा.शनैश्वर टाइम्स वृत्तसेवा

नांदगाव-: वार्ताहर

विद्यमान आमदार सुहास कांदे यांच्या कारकिर्दीत कुठलीही शासकीय मदत,नुकसान भरपाई किंवा कुठल्याही योजनेचा फायदा तत्काळ मिळू लागल्याने जनतेत समाधानाचे वातावरण आहे.

       तालुक्यात जूनच्या पहिल्या आठवड्यात वादळी पाऊस होऊन तळवाडे येथे वीज कोसळून शांताराम निकम (वय-६०) यांच्यासह त्यांच्या दोन बैलांचा मृत्यू झाला होता.त्यावर दुःख व्यक्त करून आमदार सुहास कांदे तातडीने शासनाकडे पाठपुरावा करून सदर शेतकऱ्याला शासकीय नियमाप्रमाणे सुमारे ४ लाख रुपये भरपाई मिळवून दिली.

        या मदतनिधीच्या धनादेशाचे वितरण आमदार सुहास कांदे यांच्या सुविद्य पत्नी सौ.अंजुम कांदे यांचे हस्ते मयत शेतकरी निकम यांच्या पत्नी मंगलबाई निकम यांना करण्यात आले.

   याप्रसंगी तहसीलदार सिद्धार्थ मोरे यांच्यासह

नायब तहसीलदार चेतन कोनकर, अव्वल कारकून संतोष डुमरे,महसूल सहाय्यक धनराज बच्छाव, शिवसेना तालुकाप्रमुख किरण देवरे,प्रमोद भाबड, शहर प्रमुख सुनील जाधव, विद्या जगताप संगिता बागुल,रोहिणी मोरे, सागर हिरे,भाऊराव बागुल,संजय आहेर हे उपस्थित होते.