मुख्यमंत्री एकनाथ शिंदे यांच्या विजयाचा आनंद साजरा.!
सा.शनैश्वर टाइम्स वृत्तसेवा
नांदगाव-: संतोष कांदे
शिवसेनेचे माजी मंत्री एकनाथ शिंदे यांची महाराष्ट्राच्या मुख्यमंत्रीपदी निवड झाल्याने नांदगाव विधानसभा मतदार संघाचे आमदार सुहास कांदे यांच्या संपर्क कार्यालयात निष्ठावंत शिवसैनिकांनी व भाजपच्या पदाधिकाऱ्यांनी फटाके फोडून व
एकमेकांना पेढे भरवत आनंद साजरा केला.
हिंदूहृदयसम्राट दिवंगत बाळासाहेब ठाकरे यांनी अवघ्या हयातीत एकाही सत्तेच्या खुर्चीचा मोह धरला नाही.मात्र रिक्षाचालक,पान टपरी चालक,भाजीपाला विक्रेते यांना सत्तेच्या अनेक पदांची लॉटरी लावून दिली.मात्र बाळासाहेब ठाकरे यांचा कुठल्याही खुर्चीवर न बसण्याचा पायंडा पक्षप्रमुख उद्धव ठाकरे व युवा सेनेचे प्रमुख आदित्य ठाकरे यांनी मोडला.आणि याचा राग मनात धरून स्वर्गीय धर्मवीर आनंद दिघे यांचे शिष्य एकनाथ शिंदे यांनी बंड करत थेट शिवसेना पक्षप्रमुख उद्धव ठाकरे यांना आव्हान करत मुख्यमंत्री पद पटकावले आहे.
आणि याचा आनंद साजरा करण्यासाठी येथील शिवसेना आमदार तथा मुख्यमंत्री एकनाथ शिंदे यांचे सहकारी आमदार सुहास कांदे यांच्या संपर्क कार्यालयात माजी नगराध्यक्ष राजेश कवडे, विष्णू निकम, डॉक्टर सुनील तुसे, माजी सभापती सुधीर देशमुख, प्रदीप कासलीवाल, आनंद कासलीवाल, अमोल नावंदर, राजेंद्र देशमुख, बाळासाहेब शेवरे, नंदू पाटील, मार्केट कमिटी माजी सभापती तेज कवडे, किरण देवरे, प्रमोद भाबड, सागर हिरे, अरुण भोसले, संतोष भोसले, आदींसह मोठ्या संख्येने शिवसैनिक उपस्थित होते
Comments
Post a Comment