धार्मिक कार्यासाठी संपूर्ण गावाची एकजूट प्रथमच अनुभवतोय..-रामयणाचार्य रामराव महाराज ढोक

सा.शनैश्वर टाइम्स वृत्तसेवा

नांदगाव-: वार्ताहर

काशीखंडात उल्लेख असलेल्या तालुक्यातील जळगाव बुद्रुक येथील श्री.क्षेत्र बेलेश्वर महादेव मंदिराचा जीर्णोद्धार गावातील सर्व जाती-धर्माच्या लोकांकडून वर्गणी घेऊन पूर्ण करण्यात आला.त्याचा भव्य-दिव्य सोहळा आयोजित करण्यात आला.त्यावेळी महाराष्ट्रातील प्रसिद्ध संत हभप रामराव महाराज ढोक महाराज (रामायणचार्य) काल्याचे कीर्तन करताना बोलत होते.

       यावेळी हभप ढोक महाराज यांनी आपल्या अमोघ वाणीने भाविकांना अनेक सुंदर दाखले देत मंत्रमुग्ध केले.व या देवस्थान परिसरासाठी दोन एकर जागा देणाऱ्या रायबा मेंगाळ व नवीन मंदिर बांधकामासाठी १०० रुपये १ लाख रुपये देणगी देणाऱ्या ग्रामस्थांचे भरभरून कौतुक केले.

   चार दिवस चाललेल्या या सोहळ्याचे पौरोहित्य कुणाल कुलकर्णी यांनी केले,तर इतर धार्मिक कार्यक्रमासाठी हभप बाळकृष्ण महाराज बुरकुल यांनी पूर्ण झोकून देत कार्यक्रम यशस्वी केला.त्यांना पंच कमेटी व शेकडो तरुण गावकऱ्यांनी साथ दिली.आमदार सुहास कांदे उपस्थित राहू शकत नसल्याने त्यांनी प्रतिनिधी म्हणून किरण देवरे,व गुलाब भाबड यांना पाठवले होते.

    संपूर्ण ग्रामस्थांच्या एकजुटीतून हा दैदिप्यमान सोहळा मोठ्या आनंदात व भक्तिमय वातावरणात पार पडला.