वृक्ष लागवड व संगोपनासाठी राबवली अभिनव कल्पकता.!

सा.शनैश्वर टाइम्स वृत्तसेवा

नांदगाव-: संतोष कांदे

शासकीय जागेत,महामार्ग किंवा राज्य रस्त्याच्या कडेला वृक्ष लागवड करून शासकीय अधिकारी आपली जबाबदारी पार पाडून टाकतात.भविष्यात या वृक्ष रोपांचे काय झाले.? याबाबत कुठलीही माहिती ते ठेवतही नाही.आणि असाच प्रकार अनेक सामाजिक कार्यकर्ते,संघटना यांच्याकडूनही होत असतो.आणि हा अनुभव गाठीशी असलेल्या सेवानिवृत्त पोलीस अधिकारी व सर्पमित्राने वृक्ष लागवड व संगोपनासाठी एक अभिनव कल्पना राबवली.या कल्पनेची शासकीय स्तरावरून अमंलबजावणी करण्याची मागणी आता पुढे येऊ लागली आहे.

         याबाबत अधिक असे वन्यजीव संरक्षण बहुउद्देशीय संस्थेचे तालुकाध्यक्ष तथा जळगाव बुद्रुक गावातील सर्पमित्र प्रभाकर निकुंभ व सेवानिवृत्त पोलीस अधिकारी भाऊसाहेब साठे यांनी अनेक ग्रामस्थांच्या सहकार्याने शासकीय जागेवर वृक्ष लागवड न करता खाजगी शेतकऱ्यांच्या शेतातील बांधावर ही वृक्ष केली.ही वृक्ष लागवड करताना संबंधित शेतकऱ्यांची मानसिकता लक्षात घेऊन या वृक्षापासून त्यांना आर्थिक फायदा ही होईल याचा विचार करून वृक्ष लागवड करण्यात आली आहे. 

       या वृक्ष लागवडीत प्रामुख्याने केशर आंबा,चिकू,सीताफळ,पेरू,नारळ,सफरचंद,काश्मिरी बोर असे ३०० पेक्षा रोपे नगर जिल्ह्यातील राहुरी येथील महात्मा फुले कृषी विद्यापीठातून आणली आहेत.

       

या वृक्षलागवडीत कचेश्वर गीते, एकनाथ बारकू गीते, वाल्मीक कांदे, धनराज बुरकुल, सुरेश साठे, छगन निकुंभ, बापू सोनवणे, संतोष गीते, प्रमोद सोनवणे, शरद आव्हाड, चांगदेव आव्हाड, काशिनाथ गीते, रघुनाथ गावंडे, रामदास घुगे, सोमनाथ बोडके, लक्ष्मण गीते, अनिल बुरुकुल, मच्छिंद्र घुगे, ज्ञानेश्वर सोनवणे अरुण साठे, सुपडू बागुल, संतोष कांदे, अतुल  सांगळे सतीश घुगे समाधान कांदे भैय्यासाहेब डिगोळे, संदीप घुगे आदी ग्रामस्थांनी सहकार्य केले.