आता सुहास वर लक्ष ठेवावे लागेल...मुख्यमंत्री ना.शिंदे

सा. शनैश्वर टाइम्स वृत्तसेवा

नांदगाव_संतोष कांदे

हा (सुहास कांदे) मला कळू न देता माझ्या अनेक सह्या घेवून इतकी विकासकामे राबवत असल्याचे मला आज येथे आल्यानंतर कळले.आता याच्यावर लक्ष ठेवावे लागेल.असा गोड संशय राज्याचे मुख्यमंत्री ना.एकनाथ शिंदे यांनी मनमाड येथील एकात्मता चौकात झालेल्या जाहीर सभेत व्यक्त केला.

      यावेळी पुढे बोलताना मुख्यमंत्री ना. शिंदे म्हणाले की,आमदार कांदे इतका राज्यात डेरींग असलेला आमदार मी बघितला नाही.आणि सतत तालुक्याचे प्रश्न घेवून आलेला सुहास कांदे मी अनेक वेळा बघितला मात्र एकदाही स्वतः चा प्रश्न त्यांनी माझ्याकडे आणला नाही.हे विशेष.!

      मुख्यमंत्री ना.शिंदे यांनी आमदार कांदे यांची तोंड भरून स्तुती केली.आणि आमदार कांदे यांनी प्रास्ताविक करताना मनमाड करंजवन पाणी योजनेला बाळासाहेब ठाकरे यांचे नाव व गिरणा धरणातून साकारल्या जाणाऱ्या ७८ खेडी योजनेला धर्मवीर आनंद दिघे यांचे नाव देण्याची मागणी केली असता ; मुख्यमंत्री ना.शिंदे यांनी यास मंजुरी देत असल्याची घोषणा केली.यावेळी पोलीस अधीक्षक सचिन पाटील यांच्यासह उपअधीक्षक समिरसिंह साळवे,पो. नि.गीते, गाडे यांनी चोख बंदोबस्त ठेवला होता.