तालुक्यातील शिवसैनिक अजूनही संभ्रमात.!

सा.शनैश्वर टाइम्स वृत्तसेवा

नांदगाव-: संतोष कांदे

राज्यात सत्ता बदलाचे जे महानाट्य घडले,त्यामुळे या पुढील काळात राज्यात काय-काय घडू शकते याची किंचितशी कल्पना सर्वसामान्य जनतेला आली आहे.मात्र नांदगाव विधानसभा मतदार संघाचा विचार करता आजची परिस्थिती निष्ठावंत शिवसैनिकांच्या आजची पचनी पडलेली दिसत नाहीये.असे एकंदरीत चित्र आहे.

           मुळात अडीच वर्षांपूर्वी शिवसेना पक्षप्रमुख उद्धव ठाकरे यांनी काँग्रेस,राष्ट्रवादी सोबत जाण्याचा जो निर्णय घेतला होता,तो ही लाखो शिवसैनिकांना पटला नव्हता,याचे कारण असे की, काँग्रेस ला विरोध करतच शिवसेना मोठी झाली होती.आणि त्यावेळी हा विरोध इतका कडवट होता की,एखाद्या शिवसैनिकाच्या मुलीचा विवाह संबंध जमला,अन त्यानंतर त्या शिवसैनिकाला कळले की,हा काँग्रेस चा कार्यकर्ता आहे,तरी सोयरे-संबंध तुटत होते.इतकी निष्ठा होती.

     काल-परवा तालुक्यातील शिवसेनेचे पदाधिकारी व शिवसैनिक मातोश्री वर जाऊन आले व पक्षप्रमुख तथा माजी मुख्यमंत्री उद्धव ठाकरे यांना विश्वास देऊन आले की,आम्ही तुमच्या सोबत आहोत.आणि शिवसैनिकांच्या या कृतीमुळे श्री.ठाकरे यांनाही भारावून आले.मात्र विधानसभेत आभाराचे भाषण करताना विद्यमान मुख्यमंत्री एकनाथ शिंदे यांनी जे वक्तव्य केले,त्यावरून ह्या सर्व बंडाची पक्षप्रमुख ठाकरे यांना कल्पना असावी.असा संशय घेण्यास वाव मिळत आहे.आणि त्यामुळेच शिवसैनिकांमध्ये संभ्रमवस्था पसरली आहे.