आमदार पत्नी सौ.अंजुम यांच्यामुळे तालुक्यातील महिलांचा बहुमान.!- सौ.निकम

सा.शनैश्वर टाइम्स वृत्तसेवा

नांदगाव:- वार्ताहर

तालुक्याचे आमदार सुहास कांदे यांच्या सुविद्य पत्नी सौ.अंजुम कांदे यांना दिल्ली येथे मिसेस इंडिया वर्ल्ड २०२२ पुरस्कार मिळाला.आणि त्यांचा झालेला हा गौरव संपूर्ण हनुमाननगर वासीयांचा असल्याचे प्रतिपादन सौ.जोत्स्ना संजीव निकम यांनी केले.

       

पॅरिसा कम्युनिकेशन आयोजित डिजेल्स इव्हेण्ट मिस व मिसेस सौंदर्यवती स्पर्धेत  दिल्ली येथे झालेल्या ग्रँड फिनालेत देशभरातील विविध स्पर्धकांमध्ये  मिसेस इंडिया वर्ल्ड २०२२ पुरस्काराने सौ अंजूम कांदे याना सन्मानित करण्यात आल्याबद्दल येथील हनुमाननगर येथील महिला मंडळाच्या वतीने त्यांचा सत्कार करण्यात आला.त्यावेळी सौ.निकम बोलत होत्या.

           सौ कांदे यांना मिळालेल्या पुरस्काराने  नांदगावच्या शिरपेचात मानाचा तुरा खोवला गेला आहे.आणि यामूळे सबंध तालुक्यात आनंदाचे वातावरण पसरले आहे.मात्र त्याचबरोबर सौ.कांदे ह्या हनुमाननगरच्या रहिवासी असल्याचा आम्हाला सार्थ अभिमान असल्याचे मोरझर च्या सरपंच सौ.लीना समाधान पाटील म्हणाल्या. यावेळी सामाजिक कामात अग्रेसर असलेल्या हनुमाननगर च्या महिलांनी सौ.कांदे यांचा यथोचित गौरव केला.

            यावेळी लिना समाधान पाटील,मनिषा अनंतराज आहेर,मिना प्रभाकर पवार,रुपाली चेतन पाटील,निता गणेश शिंदे,मिना प्रविण निकम ,प्रमिला सचिन आहेर,शितल सचिन पाटील,वृषाली बाळासाहेब पाटील,आशा विजय दराडे आदी उपस्थित होत्या.