शाळेचा जसा कायापालट होणार ; तसा तुमचा ही करून देणार _सौ.अंजुम कांदे
सा.शनैश्वर टाइम्स वृत्तसेवा
नांदगाव - वार्ताहर
आमदार सुहास कांदे यांच्या प्रयत्नाने जसा शाळेसाठी निधी उपलब्ध होऊन नगरपालिकेच्या शाळांचा जसा कायापालट होणार आहे.तसा तुमचा ही (विद्यार्थी व शिक्षक) गणवेश देवून कायापालट करायचा आहे.असे प्रतिपादन आमदार सुहास कांदे यांच्या सुविद्य पत्नी सौ.अंजुम कांदे यांनी केले.
सौ.अंजुम कांदे यांनी स्वनिधीतून शहरातील. नगरपालिका शाळेतील ६२० विद्यार्थ्यांना वह्यांचे वाटप केले.त्यावेळी त्या बोलत होत्या.त्या पुढे म्हणाल्या की,आम्ही तुमच्या साठी काही करतो म्हणजे आम्ही तुमच्यावर उपकार करत नाहीये,ती आमच्यावर तुम्ही मोठ्या विश्वासाने सोपवलेली जबाबदारी आहे.तसेच ते आमचे कर्तव्य आहे.आजपासून दर वर्षी १ ऑगस्ट रोजी शालेय मदत करण्याचा मानस मी व्यक्त करते असे ही त्या म्हणाल्या.
लोकमान्य बाळ गंगाधर टिळक पुण्यतिथी आणि साहित्यरत्न आण्णा भाऊ साठे जयंतीचे औचित्य साधून सौ.अंजुम कांदे यांच्या संकल्पनेतून नगर पालिकेतील सर्व विद्यार्थ्यांना वह्यांचे वाटप करण्यात आले.
याप्रसंगी व्यासपीठावर नांदगाव नगरपालिकेचे मुख्याधिकारी विवेक धांडे, प्रशासनाधिकारी सौ चंद्रा मोरे मॅडम, उज्वला खाडे, संगीता बागुल, विद्याताई जगताप, रोहिणी मोरे,
मुख्याध्यापक साहेबराव घुगे, केदु जाधव सर, ईश्वर ठाकूर सर, शाहिद अख्तर लिपिक अनिल पाटील उपस्थित होते. कार्यक्रमाचे सूत्रसंचालन राजेंद्र मोरे यांनी केले.
Comments
Post a Comment