श्री क्षेत्र नस्तनपुर ला भाविकांची अलोट गर्दी.

सा. शनैश्र्वर टाइम्स वृत्तसेवा

नांदगाव वार्ताहर

कोरोनाचा प्रादुर्भाव संपत चालल्याच्या पार्श्वभूमीवर तालुक्यातील श्री. क्षेत्र नस्तनपुर येथे श्रावण अमावस्या निमित्त लाखो भाविकांची गर्दी उसळली.यावेळी संस्थान चे योग्य नियोजन व पोलिसांचा चोख बंदोबस्त यामुळे भाविकांना कुठलाही त्रास न होता श्री. शनी देवतेचे दर्शन घेता आले.

          श्रावण महिन्याच्या अखेरच्या पवित्र पावन पर्वकाळावर आलेली शनी अमावस्या निमित्ताने भारतातील साडेतीन शनीपिठापैकी एक संपूर्ण पिठ असलेले  श्री प्रभु रामचंद्र स्थापित क्षेत्र नस्तनपुर

शनिमंदिर येथे संस्थान तर्फे यात्रोत्सवा निमीत्त विवीध धार्मिक   विधीसह व त्रिवेळ वेगवेगळ्या भाविक मान्यवरांच्या हस्ते पुजा आरती आयोजन करण्यात आली होती.

        पुजा आरती मानकरी म्हणून  सकाळच्या अभिषेक आरतीसाठी परधाडी गावचे शनीभक्त श्री संजुदादा पवार सपत्नीक तर दुपारच्या महाआरती साठी नांदगाव तालुका वनपरिक्षेत्र अधिकारी सी. डी. कासार सर सपत्नीक सह शनैश्वर संस्थान अध्यक्ष

नारायण भाऊ अग्रवाल हे होते. 

          तर सांजारती चे मानकरी म्हणून पिंपरी हवेली चे साहेबराव महादु वाघ सपत्नीक हजर होते.दरम्यान दुपारच्या महाआरती नंतर प्रसाद संजीवनी सह. साखर कारखाना  चेअरमन मा.विवेकभाऊ बिपिनदादा कोल्हे व राजुदादा खंडेलवाल कन्नड यांच्या तर्फे साबुदाणा खिचडी वाटप करण्यात आली. 

       दरम्यान देवदर्शना साठी राज्य भरातुन  तसेच विविध राज्यातील अबाल वृद्ध शनैश्वर भक्तांनी दर्शनासाठी अलोट गर्दी केली. यात्रासमयी  आलेल्या भाविकांना दर्शनाचा लाभ व सेवा सुविधा प्रदान करण्यासाठी संस्थान तर्फे करण्यात आलेल्या सुनियोजनाने भाविकांमध्ये कृतार्थ भाव दिसुन आला. यात्रा सफलता साठी संस्थान कर्मचारी आरोग्य विभाग व पोलीस कर्मचारी तसेच पंचक्रोशी सह तालुक्यातील स्वयंसेवकांनी अथक परिश्रम घेतले.