शेतकऱ्यांचा शॉर्टकट , वन्य प्राण्यांच्या मुळावर !

सा. शनैश्र्वर टाइम्स वृत्तसेवा

नांदगाव_ संतोष कांदे
सतत सुरू असलेल्या रिमझिम पावसामुळे पिकात मोठ्या प्रमाणात गवताचा प्रादुर्भाव झाला मात्र उघडीप मिळत नसल्याने म्हणा किंवा शेतमजुरीत झालेली भरमसाठ वाढ यामुळे शेतकऱ्यांनी ' यावर तणनाशक ' फवारणी चा शॉर्टकट निवडला ,मात्र यामुळे वन्यप्राणी प्राणास मुकत असल्याचे विदारक चित्र दिसून येत आहे.
       याबाबत मिळालेल्या माहितीनुसार,मृग नक्षत्रात पेरणी पूर्ण झाल्यानंतर काही दिवसांच्या विश्रांतीनंतर रिमझिम का होईना परंतु सतत पाऊस सुरू आहे.शेतातील ओलावा कमी होत नसल्याने मजूर लावून निंदनी करणे अशक्य आहे.मात्र वाढलेल्या गवतामुळे पिकांच्या वाढीवर व गुणवत्तेवर परिणाम होऊ शकतो म्हणून शेतकऱ्यांनी तणनाशक फवारणी चा पर्याय निवडला आहे.यामुळे मजुरीची फार मोठी रक्कम बचत झाली असली तरी त्याचे दुष्परिणाम ही समोर आले आहेत.
     (संग्रहित छायाचित्र)

पाच ते सहा दिवसापूर्वी एका गावात एका काळवीट (नर जातीचे हरीण) ने तणनाशक फवारणी केलेली मका पिक खाल्याने त्याला काही काळ गुंगी आली असता त्याच्यावर गावठी कुत्र्यांनी हल्ला चढवला. व त्यात त्याचा मृत्यू झाला.वन विभागाने सर्व सोपस्कार पार पाडले असल्याची माहिती प्राप्त झाली आहे.
        तसेच अनेक गावात या तणनाशक फवारणी मुळे संबधित शेतकऱ्याचे मका पिकच नष्ट होऊन त्यांना हजारो रुपयांचा फटका बसला आहे.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक