नांदगाव बाजार समितीत नवीन मका लिलाव प्रारंभ

सा. शनैश्र्वर टाइम्स वृत्तसेवा

नांदगाव : वार्ताहर

नांदगाव कृषी उत्पन्न बाजार समिती आवारामध्ये चालू हंगामातील आवक सुरू झाली असून आज ओली मका  शेतमालाचा लिलावाचा शुभारंभ बाजार समितीचे सचिव अमोल खैरनार यांच्या हस्ते श्रीफळ वाढवून करण्यात आला.

        यावेळी लिलावासाठी चालू हंगामात नांदगाव यार्डवर विक्रीस आणणाऱ्या मका शेतमालधारक वेहेळगाव येथील शेतकरी अनिल बबन सानप यांचा बाजार समितीच्या वतीने सत्कार करण्यात आला. चार ट्रॅक्टर ओली मका आवक झाली होती. आनंद ट्रेडिंग कंपनी यांनी तो खरेदी केला. बाजारभाव दर  १९०० ते १९२५ निघाले. यावेळी लेखापाल भाऊसाहेब आगवन ,भास्करराव कासार, बाबासाहेब साठे , सुरेश खैरनार , सुनिल पवार , लहू बोरसे ,  व्यापारी असोसिएशनचे अध्यक्ष सचिन पारख , आनंद चोरडिया , सोमनाथ घोंगाणे ,संजय करवा, ज्ञानेश्वर वाघ , अभिजीत कासलीवाल, दीपक कासलीवाल, समीर कासलीवाल , गबू शेठ अग्रवाल. सुमेर कासलीवाल आदिसह शेतकरी बांधव उपस्थित होते.