तालुक्यातील सर्वांच्या समस्या सोडवणे माझे आद्यकर्तव्य : आमदार सुहास कांदे

सा. शनैश्र्वर टाइम्स वृत्तसेवा

नांदगाव : वार्ताहर
मी संपूर्ण मतदारसंघाचा आमदार,त्यामुळे सर्व नागरिकांच्या समस्या सोडवणे माझे आद्य कर्तव्यच असल्याचे प्रतिपादन आमदार सुहास कांदे यांनी केले.
          नांदगाव रत्न पुरस्कार व गुणवंत विद्यार्थी सत्कार सोहळा प्रसंगी आमदार कांदे बोलत होते.
शिक्षकनेते स्व.आण्णासाहेब गंगाधर शिवराम आहेर प्राथमिक शिक्षक सहकारी पतसंस्था मर्या. नांदगाव, वार्षिक सर्वसाधारण सभा प्रसंगी नांदगाव रत्न पुरस्कार व यशस्वी विद्यार्थी आणि शिक्षकांना गौरविण्यात आले. या कार्यक्रमाचे प्रमुख पाहुणे म्हणून आमदार सुहास कांदे व सौ.अंजुम कांदे उपस्थित होते.
            या वेळी संस्थेचे चेअरमन श्री मवाळ यांनी आमदार सुहास कांदे यांचा सत्कार केला.समाजसेवक, विलास कटारे, मनमाड यांना त्यांच्या उल्लेखनीय समाजकार्यासाठी नांदगाव रत्न पुरस्काराने सन्मानित करण्यात आले.
          या वेळी बोलतांना पुरस्कारार्थी मान्यवरांचे व विद्यार्थ्यांचे अभिनंदन करत शिक्षक हा आयुष्यातील महत्वाचा घटक म्हणून पहिला जातो याचा मला नितांत आदर असल्याचे स्पष्ट करून आमदार कांदे म्हणाले की, निवडणुकी नंतर मी संपूर्ण मतदारसंघाचा आमदार आहे आणि राजकारण विसरून सर्व नागरिकांच्या समस्या सोडवणे हे माझे कर्तव्य असल्याचे सांगितले. त्यांनी नव निर्वाचित संचालक मंडळास शुभेच्छा दिल्या.
  या प्रसंगी मंचावर नगराध्यक्ष राजेश कवडे मा.सभापती विलास आहेर, जी.प सदस्य रमेश बोरसे, प्रमोद भाबड, किरण देवरे, गटशिक्षण अधिकारी श्री चिंचोले, विस्तार अधिकारी बोधले मॅडम, पाटील सर, महेंद्र जाधव सर, शिवसेना महिला शहर प्रमुख रोहिणी मोरे सर्व संचालक मंडळ व मोठ्या संख्येने सदस्य उपस्थित होते.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक