विकासकामांसह तालुका एकसंघ ठेवण्यासाठी आमदार कांदे यांचे भगीरथ प्रयत्न.!

सा.शनैश्वर टाइम्स वृत्तसेवा

नांदगाव - वार्ताहर

तालुक्यात विकास कामांसह सर्व जाती धर्मातील लोकांना एकसंघ ठेवण्यासाठी आमदार सुहास कांदे यांनी भगीरथ प्रयत्न सुरु केल्याचे चित्र दिसून येत आहे.

     आमदार कांदे यांनी आमदार होण्या अगोदर पासून तालुक्यात यापूर्वी कुठल्याही आमदारांनी राबवले नसतील असे उपक्रम स्वखर्चाने राबवले आहेत.मग त्यात मनमाड शहराला शुद्ध पाणी पुरवठा करणे असो ; इतर समाज घटकांना जीवनावश्यक वस्तूंचे वाटप असे एक ना अनेक उपक्रम राबवून आमदार कांदे सर्वच समाज घटकांत कमालीचे लोकप्रिय ठरले आहेत.

    कोरोना काळात तर त्यांनी केलेल्या असामान्य कामांमुळे त्यांना देवदूत अशी उपाधी येथील जनतेने बहाल केली होती.अन्न धान्य यासह त्यांनी तालुका आरोग्य विभागातल्या शासकीय कर्मचाऱ्यांना आवश्यक साहित्य वाटप करून मोठा आधार दिला होता.व शासनाचे कर्तव्य स्वखर्चाने पार पाडले होते.

       

 सद्यस्थितीत विकासकामे सुरु आहेत,मात्र ज्या समाजाला आजपर्यंत सर्व राजकीय पक्षांनी फक्त मतदान म्हणून गृहीत धरले होते.त्या समाजाला मान सन्मान देत त्यांना मुख्य प्रवाहात आणण्याचा प्रयत्न सुरु केला आहे.त्याचाच एक भाग म्हणून प्रथम भिल्ल समाज बांधवाना त्यांच्या प्रत्येक वस्तीवर एक वीर एकलव्य यांची प्रतिमा विधिवत पूजा करून मोठया भक्तिमय वातावरणात देण्यात आली.व या प्रत्येक वस्तीवर एक सामाजिक सभागृह ही मंजूर करण्यात आले.

      काल रोजी नांदगाव कृषी उत्पन्न बाजार समिती आवारात संपन्न झालेल्या कार्यक्रमात तालुक्यातील बंजारा समाज बांधवांचा मेळावा घेण्यात आला होता.या कार्यक्रमास समाजाचे धर्मपीठ असलेल्या श्रीक्षेत्र पोहरादेवी येथील महंत जितेंद्र महाराज परमपूज्य कबीरदास महाराज महंत रायसिंग महाराज यांच्या उपस्थितीत संत श्री.सेवालाल महाराज यांच्या प्रतिमेचे पूजन करून प्रत्येक वस्तीवर संत सेवालाल यांची मूर्ती भेट देण्यात आली.

            यावेळी आमदार सुहास कांदे यांनी मला आमदार म्हणून निवडून दिले आहे आणि आपल्या प्रत्येक तांड्यांवर एक भव्य सभामंडप व भगवान संत श्री सेवालाल महाराजांची मूर्ती देऊन मी माझे कर्तव्य पार पाडत आहे यापुढेही प्रत्येक बंजारा तांड्यांवर एक वाचनालय व एक व्यायाम शाळा देणार असल्याचे सांगितले.