नांदगाव तालुक्यात राजकीय विरोधक शिल्लक आहेत का.? एक विशेष राजकीय वार्तापत्र....... संतोष कांदे,संपादक

सा.शनैश्वर टाइम्स वृत्तसेवा

संतोष कांदे

महाराष्ट्राचे विद्यमान मुख्यमंत्री ना.एकनाथ शिंदे यांनी शिवसेनेचे आमदार सोबत घेऊन जे बंड केले.त्याचे समर्थन त्यांनी शिवसेनाप्रमुख बाळासाहेब ठाकरे यांच्या मागील अनेक भाषणांचा संदर्भ देत केले व करत आहेत.आणि ते खरे असल्याचे दिवंगत बाळासाहेब ठाकरे यांच्या भाषणांतून दिसून येते.आणि या सर्व राजकीय घटनांचा थेट संबंध नांदगाव विधानसभा मतदार संघाशी असल्याने साहजिकच या गोष्टीला अनन्यासाधारण महत्व आले आहे.

     याचे कारण असे की,या बंडात आमदार कांदे यांचा प्रथमपासून सहभाग राहिला आहे.आणि त्यामुळे शिवसेनेतून प्रथम त्यांचीच गंच्छती करण्यात आली.त्यांच्या स्वभावात  आक्रमकता असल्याने म्हणा किंवा....पैहिलवान म्हणून कारकीर्द असल्याने आक्रमता हा त्यांचा स्थायीभाव असल्याचे दिसून येते.मात्र राजकारणात हे चालत नाही.तुमच्या डोक्यावर बर्फ आणि तोंडात सतत खडीसाखर असणे गरजेचे आहे.हे नेमके आमदार कांदे यांच्या बाबतीत घडताना दिसून येत नाही.

       मात्र सर्वसामान्य जनतेसाठी काम करत असताना ते आर्थिक पर्वा अजिबात करत नाहीत.इतर लोकप्रतिनिधी नी सत्ता मिळाल्यानंतर संपत्ती खरेदी केली.मात्र मी वडिलोपार्जित सहा एकर जमीन लोकसेवेसाठी विकल्याचे आमदार कांदे यांनी सांगितले.

     नांदगाव मतदार संघ हा काँग्रेस चा बालेकिल्ला....मात्र शिवसेनेचे राजेंद्र देशमुख,कॉम्रेड माधवराव गायकवाड,पुलोद चे कन्हूशेठ नहार,यांनी काही काळ हा मतदार संघ गाजवला.त्यापैकी दिवगत  नहार यांनी तर महाराष्ट्राचे अवघे मंत्रिमंडळ मतदार संघात आणले होते.त्यानंतर ही किमया कुणालाही जमली नाही.महाराष्ट्राला पहिला मुख्यमंत्री देण्याचा मान हुकला मात्र पहिला महसूल मंत्री नांदगाव तालुक्याने दिला होता.हे नसे थोडके.!

      काही महिन्यापूर्वी एक नंबरवर असलेल्या शिवसेनेची शक्कले उडाल्याने आता शिंदे गट,शिवसेना,काँग्रेस,राष्ट्रवादी,भाजप,मनसे या राजकीय पक्षांना सुगीचे दिवस आलेत.मात्र स्थानिक स्वराज्य संस्थेच्या निवडणुका लांबणीवर पडत असल्याने इच्छुकांच्या अपेक्षांवर पाणी फेरले गेले आहे.त्यातल्या त्यात यापूर्वी तालुक्यातील जे गट आरक्षित झाले होते.त्यात काही बदल झाला तर तेवढाच दिलासा.!

         तालुक्याच्या राजकीय पटलावर प्रभाव पाडू शकणाऱ्या राजकीय नेतृत्वात माजी आमदार अँड.अनिल आहेर,संजय पवार,राजेंद्र देशमुख आणि सहकार क्षेत्रातील दिग्गज अशी पदवी असलेले जेष्ठ नेते बापूसाहेब कवडे यांचा समावेश होतो.यातील श्री.पवार हे सध्या भुजबळांसोबत आहेत.त्यामुळे भुजबळ म्हणतील तिच पूर्वदिशा असे त्यांचे आहे.तर माजी आमदार अँड.अनिल आहेर यांनी मात्र स्वतःचे अस्तित्व काँग्रेस मध्ये टिकवून ठेवले आहे.ज्या काँग्रेस ने विजय टप्यात असताना ही जागा अगदी सहजपणे राष्ट्रवादी काँग्रेस ला देऊन टाकली.मात्र तरीही तब्बल दहा वर्ष भुजबळांच्या सोबत राहूनही आपले स्वतंत्र अस्तित्व राखण्यात माजी आमदार अँड.आहेर यांना यश आले.त्या तुलनेत माजी आमदार जगन्नाथ धात्रक,माजी आमदार राजेंद्र देशमुख,माजी आमदार संजय पवार यांनी भुजबळ यांचे मांडलिकत्व पत्कारण्यात धन्यता मानली.तर बापूसाहेब कवडे आमदार कांदे यांच्या सोबत आहेत,ते ही त्यांचे स्वतंत्र अस्तित्व राखून आहेत.तर माजी आमदार राजेंद्र देशमुख सध्या स्वगृही म्हणजेच शिवसेनेत आहेत.आणि ते तालुक्यातील शिवसेनेचे प्रथम आमदार आहेत.माणिकपुंज धरण ही त्यांची अमूल्य देणगी आहे.

       आता शिवसेनेच्या जिल्हाप्रमुख पदी गणेश धात्रक यांना तर तालुका प्रमुख पदी संतोष गुप्ता यांना संधी मिळाली आहे.ते या संधीचे सोने करतात का.? याचे उत्तर आगामी स्थानिक स्वराज्य संस्था निवडणुकीत मिळेल.