नांदगावला नवरात्र उत्सवाची विविध उपक्रमांनी सांगता.

सा.शनैश्वर टाइम्स वृत्तसेवा

नांदगाव - वार्ताहर

शहरातील इंद्रायणी (चांडक प्लॉट) येथे नवरात्र उत्सव निमित्त महिलांच्या कला गुणांना वाव देणाऱ्या स्पर्धा घेऊन त्यांना पुरस्कृत करण्यात आलेच ; त्याचबरोबर दररोज वेगवेगळ्या मान्यवरांना आरतीचा मान देण्यात आला.

    माजी नगराध्यक्ष राजेश कवडे यांच्यासह अनेक प्रतिष्ठित नागरिकांना सलग नऊ रात्र आमंत्रित करण्यात आले होते.तर शेवटच्या दिवशी झाशीची राणी लक्ष्मीबाई महिला मंडळाच्या वतीने होम मिनिस्टर कार्यक्रमाचे आयोजन केले होते या कार्यक्रमासाठी झी मराठी,कलर्स मराठी, झी अनमोल, वहिनीचे प्रमोशन प्रो.कबड्डी लीगचे,अँकर या वाहिनीची हास्य कलाकार  सचिन अहिरे यांनी हास्याचा बहारदार कार्यक्रम सादर करून सर्वांची वाहवा मिळवली.

        यावेळी आजीबाईंची उखाणे,वहिनींचीउखाणे,तळ्यात मळ्यात, फुगे फोड, या मध्ये कपल जोडी चेहर्‍यावर लहान बाळाची रंगरंगोटी या कार्यक्रमाचा विषेश आकर्षण खेळ ठरला या खेळात चार जोडीने सहभाग घेतला होता त्यात पत्रकार प्रज्ञानंद जाधव, प्रियंका जाधव, हे विजेते ठरले तर तळ्यात मळ्यात या खेळात ज्योती सुरसे या विजेते झालेत, नोजकॉटन मोजणी मध्ये निलेश इपर जयश्री इपर,सिंगल महिला फुगे फोड यामध्ये राधिका फोफलिया यांनी प्रथम क्रमांक पटकावला डब्बल मध्ये विनोद मांडे शितल मांडे यांनी बाजी मारली आहे प्रत्येक खेळात विजेत्याला मंडळाच्या अध्यक्षा जानवी शर्मा, होम मिनिस्टर सूत्रसंचालक सचिन भाऊजी, नगराध्यक्ष राजेश कवडे यांच्या हस्ते गौरविण्यात आले.

            कार्यक्रम यशस्वी करण्यासाठी राखी जाधव,शीतल मांडे,कविता आहेर,जयश्री इपर,शिल्पा महाजन,मंदा कुमावत,ज्योती काळे, मयुरा फोफलिया,मंदा चव्हाण,तसेच परिसरातील सर्व लहान मोठे जेष्ठ रहिवाशी यांचे योगदान लाभले तर सूत्रसंचालन ज्योती सुरसे यांनी केले तर सौ. राखी जाधव यांनी सर्वांचे आभार मानले.