शिवाजी महाराजांच्या पदस्पर्शाने पावन झालेल्या किल्ल्याची स्वच्छता व संवर्धन काळाची गरज.!
सा.शनैश्वर टाईम्स वृत्तसेवा
नांदगाव -: संतोष कांदे
स्वराज्याचे जनक छत्रपती शिवाजी महाराजांच्या पदस्पर्शाने पावन झालेल्या अनेक गडकोटांची सद्यस्थिती खुपचं दयनीय झाल्याचे दिसून येत आहे.या अशा अनेक गडकोटांवर छत्रपती शंभूराजे परिवार महाराष्ट्र राज्य या सामाजिक संघटनेने स्वच्छता व संवर्धन मोहीम सुरु केली आहे.
या संघटनेने नुकतेच चांदवड परिसरातील चंद्रेश्वर महादेवाच्या परमपवित्र भुमीत अर्थात किल्ले चांदवड येथे आज गडकोट स्वच्छता व संवर्धन मोहीम राबवली. या मोहिमेसाठी नाशिक, चांदवड, देवळा, मालेगाव, नांदगाव, येवला, निफाड, तसेच वैजापूर तालुक्यातील दुर्गसेवक व दुर्गसेविका उपस्थित होते. सर्वांच्या सहकार्याने मोहिम यशस्वीरित्या संपन्न झाली.
गडकोट संवर्धन करणे हि येणाऱ्या काळाची गरज आहे असे मनोगत शिवव्याख्याते संदिप पवार यांनी व्यक्त केले. मोहिमेचे मुख्य नियोजक म्हणून दत्ता जाधव यांनी जबाबदारी पार पाडली. सर्व उपस्थितांचे गणेश आहेर यांनी आभार मानले.
Comments
Post a Comment