तालुक्यातील आदिवासी वस्त्यांवर दीडशे सामाजिक सभागृह मंजूर -: सौ. अंजुम कांदे

सा.शनैश्वर टाईम्स वृत्तसेवा

नांदगाव -: संतोष कांदे

तालुक्यातील सर्वच गावांतील आदिवासी वस्त्यांवर बहुउद्देशीय सभागृहाचे भूमिपूजन सामाजिक कार्यकर्त्या तथा आमदार पत्नी सौ. अंजुम कांदे यांच्या हस्ते करण्यात आले.

             आमदार सुहास कांदे यांच्या प्रयत्नांतून मूलभूत सुविधा (२५/१५) योजनेतर्गत मतदार संघातील प्रत्येक बंजारा तांडा व आदिवासी वस्तीत एकूण १५० सभागृह मंजूर करण्यात आले आहे.या सभागृहात वधू वर कक्ष व भोजन गृह अशी व्यवस्था असणार आहे.शनिवार (दि.२६ ) रोजी जवळपास २० आदिवासी वस्त्या व बंजारा तांड्यावर भूमिपूजन संपन्न झाले.

           यावेळी ढोल ताशांच्या गजरात सौ. कांदे यांचे औक्षण करत स्वागत करण्यात आले.आमदार कांदे यांनी यापूर्वीच या वस्त्यांवर भगवान एकलव्य व संत सेवालाल महाराज यांच्या मुर्त्या विधिवत पूजा करून दिल्या आहेत.