जळगाव येथील भाजप चा पहिला व शेवटचा मोहरा हरपला....

सा. शनैश्वर टाईम्स वृत्तसेवा

नांदगाव -: संतोष कांदे

ज्या काळात या परिसरातील जनतेला भारतीय जनता पक्ष माहित नव्हता, त्या काळापासून ते आजपर्यंत भाजप शी एकनिष्ठ राहिलेल्या नांदगाव तालुक्यातील जळगाव बुद्रुक येथील गोविंदराव बोडके यांचे आज अल्पशा आजाराने निधन झाले.

            भाजपचे जेष्ठ नेते कै. गोपीनाथ मुंडे व माजी राज्य उपाध्यक्ष श्रीमती जयश्री दौंड यांच्या नेतृत्वावर विश्वास ठेवत कै. बोडके यांनी भाजपचे अत्यंत निष्ठेने काम केले. आणि असे असताना त्यांच्या पत्नी सौ. पुंजाबाई ह्या मात्र शिवसेनेच्या पदाधिकारी होत्या. सौ.बोडके यांच्यावर जिल्हा शिवसेनेने महिला आघाडी च्या उपतालुका प्रमुख पदाची जबाबदारी गेली अनेक वर्ष सोपवली होती.तर त्यांचे पुत्र दत्तू बोडके हे आमदार बच्चू कडू यांच्या प्रहार जनशक्ती पक्षाचे उत्तर महाराष्ट्र संपर्क प्रमुख आहेत.

.   तर कै. गोविंद बोडके यांनी नांदगाव खादी ग्रामउद्योग संघांचे व्हाईस चेयरमन म्हणुन ही अनेक वर्ष काम बघितले.आज अत्यंत शोकाकुल वातावरणात त्यांच्यावर अंत्यसंस्कार करण्यात आले. यावेळी उद्धव बाळासाहेब ठाकरे गटाचे तालुका प्रमुख संतोष गुप्ता  यांनी श्रद्धांजली अर्पण केली.तर तालुक्याचे आमदार सुहास कांदे यांच्या तर्फे जिल्हा मजूर संघांचे तालुका संचालक प्रमोद भाबड उपस्थित होते.