तर त्या अधिकाऱ्यांची गय केली जाणार नाही.! आ.कांदे तर नामदार डॉ. भारती पवार यांच्या ही सक्त सूचना

सा.शनैश्वर टाईम्स वृत्तसेवा

नांदगाव -: वार्ताहर

 तालुक्यातील शेती क्षेत्राचे अतिवृष्टीने जे नुकसान झाले आहे, त्याबाबत खोटे पंचनामे करून अधिकारी वरिष्ठ अधिकाऱ्यांची दिशाभूल करत असल्याची गंभीर बाब जनता दरबारात उपस्थित झाल्याने आमदार सुहास कांदे यांनी सदर अधिकाऱ्यांची गय केली जाणार नाही. असा इशारा दिला. यावेळी उपस्थित केंद्रीय आरोग्य राज्यमंत्री डॉ. भारती पवार यांनी ही होकार भरला.

.      नांदगांव तालुक्यातील आमोदे येथे साकोरा जिल्हा परिषदेच्या गटांतील जनतेच्या समस्या सोडवण्यासाठी शुक्रवार (दि ४ ) रोजी जनता दरबार या विशेष कार्यक्रमाचे आयोजन केंद्रीय आरोग्यमंत्री तथा कुटूंब कल्याण राज्यमंत्री मा भारतीताई पवार नांदगांवचे आमदार सुहास कांदे यांच्या उपस्थितीत संपन्न झाला. 

 या वेळी तहसीलदार डॉ सिध्दार्थ मोरे , गटविकास अधिकारी गणेश चौधरी तालुका कृषी अधिकारी जगदीश पाटील पोलीस निरीक्षक रामेश्वर गाडे जयश्री दौंड दत्तराज छाजेड भाजपाचे तालुका अध्यक्ष गणेश शिंदे उपस्थित होते.

     आयोजित करण्यात आलेल्या आढावा बैठकीत सर्वप्रथम वीज वितरण कंपनीच्या अधिकाऱ्यांबाबत अनेक तक्रारींचा पाऊसच पडला  यानंतरशेती पिकाचे सरसकट पंचनामे करून शेतकऱ्यांना मदत मिळावी , प्रधानमंत्री घरकुल योजने पासून वंचित राहिलेल्या  लाभार्थ्यांना न्याय मिळावा अशी मागणी  तुला पासून वंचित राहिलेल्या लाभार्थ्यांच्या वतीने करण्यात आली 

        चुकीचे पंचनामे करणाऱ्या कर्मचाऱ्याना नोटीसा बजावणार असल्याची माहिती तालुका कृषिअधिकारी जगदीश पाटील यांनी दिली. तर वीज मंडळाच्या बाबत झालेल्या तक्रारींना उत्तर देताना अभियंता वाटपाडे यांनी शेती पंपाची ३३ कोटी थकबाकी शेतकऱ्यांकडे असल्यास सांगत ४५ कोटीची कामे प्रस्तावित असल्याचे सांगितलं यापुढे शेतकऱ्यांना नियमित व उच्च दाबाचा वीज पुरवठा करण्यात येईल आश्वासन यावेळी दिले  आमोदे येथे  नवीन सबस्टेशन उभारण्यासाठी प्रस्ताव वरिष्ठ विभागाकडे पाठवावा असे आदेश आमदार कांदे यांनी वीज वितरण कंपनीच्या अधिकाऱ्यांना  दिले आहेत

           शेती पिकाचे नुकसान झालेल्या क्षेत्राचे पंचनामे तात्काळ करा शासकीय आदेशाची वाट पाहू नका असे आदेश महसूल विभागाला राज्यमंत्री डॉक्टर भारती पवार यांनी यावेळी दिले महसूल व कृषी विभागाच्या सर्वाधिक तक्रारी या आढावा बैठकीत प्राप्त झाल्याने संबंधित विभागाच्या वरिष्ठांनी लक्ष घालून पात्र लाभार्थी वंचित राहणार नाही याची काळजी घेण्याचे सूचना देखील यावेळी पवार यांनी  दिल्या 

              या आढावा बैठकीला जयश्री दौंड भावराव निकम  दत्तराज छाजेड  गणेश शिंदे किरण देवरे प्रमोद भाबड रमेश बोरसे सुभाष कुटे उमेश उगले संदीप पगार ,नरेंद्र पवार  दीपक देसले  सजन तात्या कवडे , आमोदे ग्रामपंचायतीचे सरपंच वैशाली पगार उपसरपंच भूषण पगार रमेश पगार अण्णासाहेब पगार बोराळ्याचे राजेंद्र पवार कळमदरीचे सरपंच मनोज पगार यांच्यासह परिसरातील अनेक पदाधिकारी ग्रामस्थ मोठ्या संख्येने उपस्थित होते.