शेतकऱ्यांना जास्तीत जास्त सहकार्य करावे.! आ.कांदे

सा.शनैश्वर टाईम्स वृत्तसेवा

नांदगाव वार्ताहर

माझे शेतकरी बांधव भोळे आहेत. त्यांना सर्वच घटक फसवतात. त्यात औषध, खते, बियाणे, कंपन्या आणि हे कमी कि काय म्हणुन नुकसान करण्यासाठी कोरडा, ओला दृष्काळ, ठरलेला असतो. म्हणुन शेतकऱ्यांना जितके सहकार्य करता. येईल. तितके करा असे आवाहन आमदार सुहास कांदे यांनी पायोनियर कंपनीच्या अधिकाऱ्यांना उद्देशून केले.

.           

  तालुक्यातील जळगाव बुद्रुक येथील माजी सरपंच तथा प्रगतीशील शेतकरी धनराज बुरकूल यांच्या शेतात पायोनियर कंपनीचे मका बियाणे पेरले होते. त्यात ३५ गुंठे क्षेत्रात ३४ क्विंटल चे उत्पादन मिळाले. या उल्लेखनीय बाबी साठी कंपनीकडून श्री. बुरकूल यांचा तालुक्याचे आमदार सुहास कांदे यांचे हस्ते सत्कार आयोजित करण्यात आला होता.त्यावेळी आ. कांदे बोलत होते.

.         यावेळी कंपनीचे टेरटेरी सेल्स मॅनेजर गणेश वाकोडे यांनी पायोनियर कंपनीच्या बियाण्यांची उपयुक्तता सांगितली. व कंपनीकडून शेतकऱ्यांसाठी राबवत असलेल्या उपक्रमांची माहिती यावेळी दिली. याप्रसंगी व्यासपीठावर किरण देवरे, प्रमोद भाबड,

रघुनाथ सांगळे,आनंद काला, वाल्मिक कांदे,उपस्थित होते.

      या प्रसंगी रघुनाथ सांगळे, विजय सांगळे, वाल्मिक कांदे, एकनाथ बुरकूल, विजय आव्हाड, डॉ. पुजारी, कैलास बागुल, सतीश गिते, प्रभाकर निकुंभ, चिंतामण बुरकूल, रघुनाथ केकाण, चंद्रकांत घुगे, बाळकृष्ण महाराज बुरकूल, तसेच पांच क्रोशितील शेतकरी बांधव मोठ्या संख्येने उपस्थित होते .सूत्रसंचालन संतोष कांदे यांनी केले