अतिक्रमण केल्याचे सिद्ध झाल्याने वडाळी बुद्रुक चे उपसरपंच अपात्र.!
सा. शनैश्वर टाईम्स वृत्तसेवा
नांदगाव -: वार्ताहर
तालुक्यातील वडाळी बुद्रुक ग्रामपंचायतीचे उपसरपंच दिलीप केशव नंद यांनी शासकीय जागेत घर व शौचालय बांधकाम केलेले असल्याचे सिद्ध झाल्याने मालेगाव च्या अपर जिल्हाधिकाऱ्यांनी त्यांचे ग्रामपंचायत सदस्यत्व अपात्र घोषित केल्याने खळबळ उडाली आहे.
. वडाळी बुद्रुक ग्रामपंचायतीच्या सन २०२१ ते २०२५ या पंचवार्षिक निवडणुकीत सदर सदस्य श्री. नंद हे प्रभाग क्रमांक तीन मधून सर्वसाधारण पुरुष या जागेवर निवडून आले होते.मात्र त्यांनी वडाळी परिसरातील भालूर रस्त्यालगतच्या शासकीय जागेवर अतिक्रमण केल्याची तक्रार अर्ज क्रमांक ४३/२०२१ द्वारे येथील चंद्रभान आनंदा कोरडे यांनी मालेगाव च्या अपर जिल्हाधिकाऱ्यांकडे केली होती.
. त्यावर अपर जिल्हाधिकाऱ्यांनी याची शहानिशा करून महाराष्ट्र ग्रामपंचायत अधिनियम १९५९ चे कलम १४ (१)(ज -३) प्रमाणे अपात्र घोषित केले आहे.
त्यामुळे तालुक्याच्या राजकीय वर्तुळात मोठी खळबळ उडाली आहे.सदरहू तक्रार अर्जाचे मालेगाव येथील कामकाज अँड. शरद एम काकड, यांनी पाहिले. त्यांना अँड. धनंजय देवरे, अँड. प्रवीण मोरे, गौरव लोखंडे यांनी सहकार्य केले.
Comments
Post a Comment