आमदार सुहास कांदे जेव्हा शब्द पाळतात.....!

सा. शनैश्वर टाईम्स वृत्तसेवा

नांदगाव -: संतोष कांदे

नांदगाव विधानसभा मतदार संघांचे विद्यमान आमदार सुहास कांदे यांच्या आमदारकीला जवळपास तीन वर्ष पूर्ण होत आले आहेत. या तीन वर्षात त्यांनी तालुक्यातील जनतेला जी -जी आश्वासने दिली होती. ती पाळण्याचा ते कसोशीने प्रयत्न करत असल्याचे चित्र दिसून येत आहे.

.            आमदार कांदे यांनी कोरोना काळात केली मदत कोण विसरू शकेल.? अन्न -धान्य पॅकेट ते तयार जेवणाचे डब्बे घरपोहोंच करणे असो.! एक दिवस तर आचारी आला नाही म्हणुन स्वतः हातात झाऱ्या घेऊन पुऱ्या तळण्याची घटना तर अवघ्या महाराष्ट्राने बघितली होती. अन सामान्य जनतेसह थेट शासकीय कर्मचाऱ्यांनाही आर्थिक खर्च करून वैद्यकीय साहित्य पुरवण्याच्या त्यांच्या कामाचे तत्कालीन मुख्यमंत्री उद्धव ठाकरे यांनी व्हिडिओ कॉन्फरन्स द्वारे कौतुक केले होते.

.           

त्यानंतर कोरोना कमी झाल्यानंतर अनेक समाज घटकासाठी विविध उपक्रम राबवले होते. आणि अजून ही ते राबवत आहेत. यावर सामान्य जण खूप खुश असल्याचे दिसून येते. आजमितीस तालुक्यातील अनेक गावात सांडपाणी गल्लीत पसरून रस्त्याची वाट लागल्याचे दिसून येते. आणि ही बाब हेरून आमदार सुहास कांदे यांनी अनेक गावातील गल्यामध्ये प्रत्येकी २० लाख रुपयांची पेव्हर ब्लॉक ची कामे दिली आहेत. आणि अनेक गावातील कामे पूर्णतःवास गेल्याने गावांना एक वेगळाच लूक आला आहे. व गावकरी समाधान व्यक्त करत आहेत.