कै. बोडके यांच्या कुटुंबाचे जिल्हाप्रमुख धात्रक यांच्याकडून सांत्वन...

सा. शनैश्वर टाईम्स वृत्तसेवा

नांदगाव -: संतोष कांदे

ज्या काळात या परिसरातील जनतेला भारतीय जनता पक्ष माहित नव्हता, त्या काळापासून ते आजपर्यंत भाजप शी एकनिष्ठ राहिलेल्या नांदगाव तालुक्यातील जळगाव बुद्रुक येथील गोविंदराव बोडके यांचे नुकतेच अल्पशा आजाराने निधन झाले होते. आज माजी आमदार तथा या भागातील शेतकऱ्यांसाठी माणिकपुंज धरणाच्या रूपाने देवदूत ठरलेले शिवसेनेचे राजेंद्र देशमुख व उद्धव बाळासाहेब ठाकरे गटाचे शिवसेना जिल्हाप्रमुख गणेश धात्रक यांनी बोडके यांच्या जळगाव बुद्रुक निवासस्थानी भेट देत बोडके कुटुंबाचे सांत्वन केले.

            भाजपचे जेष्ठ नेते कै. गोपीनाथ मुंडे व माजी राज्य उपाध्यक्ष श्रीमती जयश्री दौंड यांच्या नेतृत्वावर विश्वास ठेवत कै. बोडके यांनी भाजपचे अत्यंत निष्ठेने काम केले. आणि असे असताना त्यांच्या पत्नी सौ. पुंजाबाई ह्या मात्र शिवसेनेच्या पदाधिकारी होत्या. सौ.बोडके यांच्यावर जिल्हा शिवसेनेने महिला आघाडी च्या उपतालुका प्रमुख पदाची जबाबदारी गेली अनेक वर्ष सोपवली होती.तर त्यांचे पुत्र दत्तू बोडके हे आमदार बच्चू कडू यांच्या प्रहार जनशक्ती पक्षाचे उत्तर महाराष्ट्र संपर्क प्रमुख आहेत.