खा. शरद पवार यांच्या वाढदिवस निमित्त 'वेध भविष्याचा कार्यक्रम नस्तनपूर येथे संपन्न.!
सा.शनैश्वर टाईम्स वृत्तसेवा
नांदगाव -: संतोष कांदे
राष्ट्रवादी काँग्रेस पक्षाचे राष्ट्रीय अध्यक्ष खासदार शरद पवार यांच्या वाढदिवसानिमित्त नांदगाव तालुका राष्ट्रवादी काँग्रेस पक्षाच्या वतीने शिबिर "वेध भविष्याचा" विचार राष्ट्रवादीचा या विषयावर आज श्री क्षेत्र नस्तनपुर येथे एक दिवशीय वैचारिक राष्ट्रवादी मंथन शिबिर आयोजित करण्यात आले.
. त्या शिबिरामध्ये मा. प्रा. अर्जुन कोकाटे यांनी देशाची आर्थिक व सामाजिक आजची राजकीय परिस्थिती याबद्दल माहिती दिली.प्रा. शांताराम संधान यांनी शेती व्यवस्थापन व शेतीपूरक जोड धंदे याबद्दल माहिती दिली.प्रा. संदीप विश्राम घोले ( राष्ट्रपती पुरस्कार विजेते) यांनी कांदा पिक नियोजन व साठवणूक या विषयावर विचार मांडले.
. त्यानंतर ग्रामीण भागातील शेकडो कार्यकर्त्यांचा प्रवेश सोहळा संपन्न झाला. या कार्यक्रमास माजी आमदार पंकज भुजबळ, माजी आमदार संजय पवार,ज्येष्ठ नेते साहेबराव पाटील, जिल्हा अध्यक्ष रवींद्र नाना पगार, तालुका अध्यक्ष विजय पाटील,विनोद शेलार,शहर अध्यक्ष बाळकाका कलंत्री, मराठा विद्या प्रसारक समाज संचालक अमित बोरसे, दीपक भाऊ गोगड, नगरसेवक वाल्मीक टिळेकर,आदी उपस्थित होते.
Comments
Post a Comment