नांदगावला वीस वर्षानंतर ; तर क्रांतिवीर नाईक यांच्यानंतर वेहेळगाव ला प्रथमच जिल्हास्तरावर नेतृत्व.!

सा.शनैश्वर टाइम्स वृत्तसेवा

नांदगाव - संतोष कांदे 

नाशिक जिल्हा मजूर संस्थेच्या अध्यक्ष, उपाध्यक्ष पदासाठी झालेल्या निवडणुकीत अध्यक्ष पदावर नांदगाव तालुक्याचा तब्बल वीस वर्षांतर डंका वाजला ; तर क्रांतिवीर वसंतराव नाईक यांच्यानंतर वेहेळगाव ला प्रथमच प्रमोद भाबड यांच्या रूपाने जिल्हास्तरीय नेतृत्व करण्याची संधी मिळाली आहे. 

जिल्हा मजूर संघाच्या संचालक पदासाठी गेल्या महिन्यात निवडणूक घेण्यात आली यावेळी २० जागांपैकी ८ जागा बिनविरोध झाल्याने उर्वरित १२ जागांसाठी मतदान घेण्यात आले होते. आज दि. १० जानेवारी रोजी पार पडलेल्या अध्यक्ष व उपाध्यक्ष पदाच्या निवडणुकीत मोठी चुरस होती. यात प्रमोद भाबड यांना १२ मते तर इगतपुरी चे ज्ञानेश्वर लहाने यांना ८ मते मिळाल्याने प्रमोद भाबड यांची बहुमताने अध्यक्ष पदी निवड झाली. तसेच संघाच्या उपअध्यक्ष पदी सौ. शर्मिला कुशारे यांची निवड झाली.

यावेळी आमदार सुहास  कांदे, जेष्ठ नेते बापूसाहेब कवडे, विष्णू निकम, नगराध्यक्ष राजेश कवडे, आनंद कासलीवाल, राजेंद्र पवार, योगेश पाटील, राजेंद्र भोसले, केदा आहेर, साईनाथ गिडगे, तेज कवडे, किशोर लहाने, किरण देवरे, मयुर बोरसे, अमोल नावंदर, डॉ. सांगळे, राजेंद्र देशमुख, संजय आहेर, अनिल रिंढे, दशरथ लहिरे, पंकज जाधव, जिल्हा मजूर संघाचे सर्व संचालक मंडळ तसेच उपस्थितांनी प्रमोद भाबड यांचे अभिनंदन करून पुढील वाटचालीस शुभेच्छा दिल्या.